24 Dekabr 2021 15:43
6094
İDMAN, VİDEO

Milli Olimpiya Komitəsi Prezident İlham Əliyevin 60 illik yubileyi münasibətilə videoçarx hazırlayıb VİDEO

 

Azərbaycan Milli Olimpiya Komitəsi (MOK) Azərbaycan Prezidenti İlham Əliyevin 60 illik yubileyi münasibətilə təbrik videoçarxı hazırlayıb.

Videoçarxda Olimpiya çempionları Nazim Hüseynov, Zemfira Meftaxetdinova, Namiq Abdullayev, Fərid Mansurov, Elnur Məmmədli və Toğrul Əsgərov ölkəmizdə Olimpiya Hərəkatının inkişafına göstərdiyi yüksək qayğıya, idmançıların sağlamlığının qələbədən daha vacib olduğunu hər zaman diqqət mərkəzində saxlamasına, mötəbər turnirlərdə Azərbaycan idmançılarının üzləşdiyi ədalətsizliyə qarşı barışmaz mövqe tutmasına, olimpiyaçıların karyeralarını davam etdirmələri istiqamətində atılan addımlara, hər an idmançıların yanında olduğuna, Azərbaycanın regionlarından istedadlı uşaqların idmana cəlb olunmasına görə MOK prezidentinə təşəkkür ediblər.

Olimpiya mükafatçıları Rəfael Ağayev və Hacı Əliyev isə fəaliyyəti ilə təkcə olimpiyaçıların deyil, bütövlükdə Azərbaycan idmançıların yanında olduğuna və atletlərimizin qələbə naminə göstərdikləri əzmkarlığı, gərgin zəhməti yüksək qiymətləndirdiyinə görə dövlətimizin başçısına minnətdarlıqlarını bildiriblər.

Paralimpiya çempionu İlham Zəkiyev isə Prezident İlham Əliyevə təbrikində “Sizin qazandığınız Qələbə bu günə kimi mövcud qələbələrin tacı oldu” fikrini xüsusi vurğulayaraq, tarixi Zəfərə görə Müzəffər Ali Baş Komandana təşəkkür edib.

MOK–un vitse-prezidenti Çingiz Hüseynzadə Azərbaycan Respublikasının Prezidenti, MOK-un prezidenti İlham Əliyevi ölkəmizin idman ictimaiyyəti, idmançıları və idmansevərləri adından təbrik edib.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video