21 Iyun 2024 08:50
271
SİYASƏT
A- A+

Fransa həqiqətdən qorxur

 

Əks halda Azərbaycan jurnalistinin fəaliyyətinə əngəl törətmək istəməzdi

 

Fransa hakimiyyəti Yeni Kaledoniya və digər koloniyalarında getdikcə güclənən azadlıq uğrunda mübarizə hərəkatı barədə həqiqətləri hər vəchlə dünyadan gizlətməyə çalışır. Məqsədinə çatmaq üçün bütün çirkin əməllərə əl atır, media nümayəndələrinə qarşı qərəzli münasibət göstərir, onları ölkəsinin ərazisində keçirilən tədbirlərə buraxmamağa çalışır.
Fransa dünyada özünü söz azadlığının və demokratiyanın carçısı kimi təqdim etsə də, jurnalistlərin sərbəst fəaliyyətinə maneçilik törətməkdən, onları təqib etməkdən və təzyiq altında saxlamaqdan, hətta təhdidlərə məruz qoymaqdan belə çəkinmir. Artıq bir neçə ildir ki, Fransa hakimiyyəti Azərbaycan media nümayəndələrini də təqib etməyə başlayıb. Məlum olduğu kimi, Almaniyanın Bonn şəhərində keçirilən seminarda iştirak etmək üçün AZƏRTAC-ın bu ölkəyə ezam olunan əməkdaşının Şengen ərazisinə girişi iyunun 11-də Fransanın qanunsuz və əsassız sifarişi əsasında bloklanmışdı. BMT-nin İqlim Dəyişmələri üzrə Çərçivə Konvensiyası (UNFCCC) Katibliyinin təşkilatçılığı ilə keçirilən tədbirə dünyanın bir çox ölkəsindən jurnalistlər dəvət edilmişdir. Bu mühüm tədbirə gedişi bloklanan jurnalist Aygün Həsənovaya Köln-Bonn hava limanında bildirilmişdi ki, Fransa tərəfindən onun Şengen ərazisinə daxil olması yasaqlanıb. Çoxgirişli Şengen vizası, seminara dəvət və digər sənədlərin qaydasında olduğunu görən Almaniyanın rəsmi qurumları bu məsələni araşdırmaq qərarına gəlmişlər. Azərbaycanın Almaniyadakı səfirliyi və UNFCCC Katibliyinin məsələyə qarışmasından, eyni zamanda Almaniyanın rəsmi qurumlarının Fransanın tələbinin əsassız olduğunu gördükdən sonra jurnalistin ölkəyə daxil olmasına icazə verilmişdir. 
Jurnalistlərə qarşı Fransanın bu cür qəbulolunmaz hərəkəti istər-istəməz belə bir sual doğurur: Fransa niyə COP29 ilində azərbaycanlı jurnalistin media təlimində iştirakına maneə törətməyə çalışır? COP29-da iştirak üçün Bakıya çox sayda fransız jurnalistin də gəlməsi gözlənilir. Belə çıxır ki, bu cür siyasiləşdirilmiş yanaşma onlara da tətbiq olunmalıdır? Xatırladaq ki, bundan əvvəl də Fransa AZƏRTAC-ın jurnalistləri ilə bağlı qərəzli mövqe nümayiş etdirmiş, onları öz mediasında casus adlandırmışdır. Media azadlığı, azad söz, fikir müxtəlifliyi prinsiplərinin "carçısı" olan Fransa hakimiyyətinin bu hərəkəti heç bir məntiqə sığmır və heç bir beynəlxalq təşkilat tərəfindən də dəstəklənmir.
Fransa Prezidenti Emmanuel Makronun yarıtmaz siyasətinin nəticəsidir ki, onun partiyası bu günlərdə Avropa Parlamentinə seçkilərdə də biabırçı məğlubiyyətə uğradı. Belə çıxır ki, Makron Fransa hakimiyyəti daxilindəki problemlərini həll etmək əvəzinə daim sülhün, sabitliyin, inkişafın tərəfdarı olan Azərbaycana, onun media nümayəndəsinə qarşı qərəzli mövqe nümayiş etdirməklə məşğuldur. Daha fikirləşmir ki, o, bu hərəkəti ilə özünü bütün dünyada urvatsız edir. Bir də fərqinə varmır ki, həqiqətdən, söz azadlığından qorxduğunu etiraf etmiş olur.

V.MƏHƏRRƏMOV,
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video