Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Yaxud Təhlükəsizlik Şurası üzvünün təhlükəli oyunu
Fransa qərəzli siyasətindən əl çəkməyərək yenə də Ermənistanı silahlandırmaqda davam edir. Bütün bunlar onu göstərir ki, rəsmi Paris Cənubi Qafqazdakı maddi maraqlarından, çirkin məqsədlərindən geri çəkilmək istəmir. Məqsədinə çatmaq üçün Ermənistanı gücləndirir, ona yeni hücum silahları verir və bununla İrəvanı yeni müharibəyə təhrik edir. Paris bu addımı ilə həm də bölgənin sükutunu pozmağa, sülh təşəbbüslərinə zərbə vurmağa çalışır.
Yayılan məlumatlara görə, Ermənistan və Fransa arasında hərbi-texniki əməkdaşlıq sahəsində yeni razılaşmalar əldə olunub. Ermənistanın Müdafiə Nazirliyindən bildirilib ki, razılaşma çərçivəsində Caesar toplarının alınması nəzərdə tutulub. Fransanın silahlı qüvvələr naziri Sebastien Lecornu həmin müqavilənin imzalanmasını "yeni mühüm mərhələ" adlandırıb. Razılaşmalar Fransada, Sebastien Lecornu ilə Ermənistan müdafiə naziri Suren Papikyan arasında keçirilən müzakirələrdə əldə edilib. Xəbərdən həmçinin məlum olub ki, Papikyanın səfəri zamanı Ermənistan Müdafiə Nazirliyi ilə Fransanın KNDS hərbi sənaye şirkəti arasında hərbi-texniki əməkdaşlıq haqqında saziş imzalanıb. Məlumat üçün bildirək ki, KNDS əsas döyüş tankları, zirehli maşınlar, artilleriya sistemləri, döyüş sursatları, döyüş idarəetmə sistemləri istehsal edir.
Fransanın müdafiə naziri Sebastyan Lekornu Parisdə erməni həmkarı Suren Papikyanla görüşdən sonra bəyan edib ki, müdafiə sahəsində ikitərəfli əlaqələrin gücləndirilməsinin davamı kimi Ermənistana Caesar haubitsaları verəcəklər. Bu, Fransa-Ermənistan hərbi əməkdaşlığının yeni mərhələsidir.
Qeyd edək ki, Caesar haubitsaları 54 kilometr uzaqlıqdakı hədəfləri vurmağa imkan verir. O, zirehli yük avtomobilinə bərkidilmiş artilleriya sistemidir. Buna görə də döyüş zamanı yerini dəyişdirmək asandır. Özüyeriyən Caesar artilleriya qurğusu 1994-cü ildə "Nexter" şirkəti tərəfindən hazırlanıb. Kütləvi istehsalına isə 2002-ci ildə başlanılıb və Fransa ordusuna 2008-ci ildə təhvil verilib. Özüyeriyən artilleriya qurğusunun ekipajı 5 nəfərdən ibarətdir.
Fransa ilə Ermənistan arasında yeni müqavilənin dəyəri haqqında məlumat verilməsə də, Ceasar artilleriya qurğusunun qiymətinin 7 milyon dollara olduğu məlumdur. Xatırladaq ki, Fransa bir müddət əvvəl bu qurğulardan Ukraynaya vermişdi. Həmin ərəfədə informasiya mənbələrində Rusiya ordusunun həmin haubitsalardan ikisini ələ keçirdyi haqqında məlumatlar yayılmışdı.
Fransanın Ermənistana Caesar özüyeriyən artilleriya qurğuları satması xəbərindən sonra Azərbaycan Müdafiə Nazirliyinin və Prezidentin köməkçisinin bu addımı qınamasına Ermənistan tərəfinin cavabı onun xislətindən xəbər verib: "Müasir silahlarla təchiz edilmiş ordu saxlamaq hər bir dövlətin suveren hüququdur". Azərbaycan XİN isə cavabında haqlı olaraq belə siyasətin Ermənistanın növbəti mümkün təcavüzünə töhfə verdiyini bildirib: "30 il ərzində məhz beynəlxalq hüququn norma və prinsiplərini kobud şəkildə pozan, bu gün dəfələrlə istinad etdiyi Alma-Ata bəyannaməsinə zidd olaraq Azərbaycanın ərazi bütövlüyü və suverenliyinə qarşı təcavüz törədən, qonşularına qarşı ərazi iddialarını davam etdirən Ermənistandır. Azərbaycanla Ermənistan arasında real və davamlı sülh müqaviləsinin imzalanması üçün əsas şərt başda "Ermənistan və Dağlıq Qarabağın birləşməsi"nə çağıran Ermənistanın Müstəqillik Aktına açıq şəkildə istinad edən Ermənistan Konstitusiyası olmaqla, bu ölkənin çoxsaylı hüquqi və siyasi sənədlərində təsbit edilmiş Azərbaycana qarşı davam edən ərazi iddialarına son qoyulmasıdır".
Azərbaycan Respublikası Prezidentinin köməkçisi Hikmət Hacıyev də deyib ki, Azərbaycan və Ermənistan arasında normallaşma ilə əlaqədar proseslərin aparıldığı bir şəraitdə Fransanın regionda militarizasiya siyasəti ciddi təhdid yaradır.
Azərbaycan Müdafiə Nazirliyi də Fransanın Ermənistana Caesar özüyeriyən artilleriya qurğuları satmasını qınayan bəyanat yayıb. Bəyanatda qeyd olunur ki, Ermənistanın silahlandırılması ilə Cənubi Qafqaz regionunda vəziyyətin gərginləşməsinə və yeni müharibə ocağının yaranmasına görə məsuliyyəti tam şəkildə Ermənistan rəhbərliyi və Fransa Prezidenti Emmanuel Makron daşıyacaq.
Rusiya Xarici İşlər Nazirliyinin rəsmi nümayəndəsi Mariya Zaxarova isə keçirdiyi brifinqdə Fransanın Ermənistana Caesar özüyeriyen haubitsaları verməsini şərh edərkən söyləyib ki, Fransa rəhbərliyi nə Ermənistanın maraqlarını, nə də hansısa bir xalqın maraqlarını rəhbər tutur: "Paris ölkə daxilində və ya ölkələr arasında mövcud fikir ayrılıqlarından, ziddiyyətdən istifadə edərək öz konyuktur məqsədlərinə nail olmaq üçün alət kimi istifadə edir. Öz konyuktur məqsədləri deyəndə mən təkcə Yelisey sarayının şəxsi maraqlarını deyil, həm də Fransanın
NATO ideologiyasının daşıyıcısı kimi nəzərdə tuturam. Məhz buna belə yanaşmaq lazımdır".
Göründüyü kimi, Cənubi Qafqaz regionunda militarizasiya və geosiyasi intriqa siyasəti yürüdən Makron rejimi müxtəlif vasitələrlə Ermənistanla Azərbaycan arasında davamlı sülhün təmin olunmasına əngəl törətməkdə davam edir. Bu kimi destruktiv və qərəzli siyasətinə görə regionumuzda gedən normallaşma proseslərindən kənarda qalan Fransanın indiki rəhbərliyi bunu Azərbaycana bağışlaya bilmir. Məlumdur ki, Ermənistan Azərbaycana qarşı hərbi təcavüz və işğal törətmiş dövlətdir. BMT Təhlükəsizlik Şurasının daimi üzvü olan Fransa tərəfindən qanlı hərbi təcavüz törətmək təcrübəsi olan Ermənistanın yenidən silahlandırılması və Ermənistan rəhbərliyinin revanşizm siyasətinin dəstəklənməsi siyasi məsuliyyətsizlik olmaqla bərabər, həm də yeni müharibəyə aparan yoldur. Amma nə qədər silahlansa da, məğlub yenə Ermənistan olacaq. Çünki onun qarşısında güclü və qüdrətli Azərbaycan Ordusu dayanıb.
Vahid MƏHƏRRƏMOV,
"Azərbaycan"
Meksikada narkokartelin 19 üzvü öldürüldü
ABŞ və Yaponiya genişmiqyaslı təlimlərə başladı
Qurban Qurbanov: "Ayaks"la matçda çəkinmədən mübarizə aparacağıq
Pərviz Şahbazov çinli və iranlı həmkarları ilə enerji əməkdaşlığını müzakirə edib
BRICS-in tərəfdaşları siyahısına 13 dövlət daxil olub
Türkiyə Prezidenti BRICS sammitində iştirak etmək üçün Kazana yola düşüb
Azərbaycan dəmir yollarında üztanıma ilə ödənişlərə başlanılacaq
Azərbaycan ilə Qırğızıstanın Müdafiə nazirlikləri arasında 2025-ci il üçün hərbi əməkdaşlıq planı imzalanıb
Almaniya səfiri Rusiya XİN-ə çağırıldı
Kvaratsxeliya mövsümə 6 milyon avro qazanacaq
Ukraynanın baş prokuroru istefa verdi
Xavi "Mançester Yunayted"də?
Böyük Britaniya və Almaniya arasında saziş imzalanacaq
Oktyabrın 24-də ölkə ərazisində hava əsasən yağmursuz olacaq
Emin Mahmudov: "Açıq deyim ki, fiziki baxımdan çox zəifik”
BMT-nin baş katibi BRİCS sammitinə getdi
Paşinyan BRİKS sammitində iştirak edəcək
Baydendən hərbi xərclərlə bağlı açıqlama
Braziliyada qırıcı qəzaya uğradı
Azərbaycan Prezidenti İlham Əliyevin Kazanda Rusiya Federasiyasının Tatarıstan Respublikasının Rəisi ilə görüşü olub YENİLƏNƏCƏK
DİN “ASAN xidmət” mərkəzlərində göstərdiyi xidmətlər üzrə vəzifələrə müsabiqə elan edir
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!