07 Iyun 2024 09:25
1983
Oxucu məktubları
A- A+

Dünənin sabaha yadigarları

 

Yaşadığımız Qusar rayonu təbiəti ilə həmişə fərqlənib. Təmiz dağ havası, meşələrin ətri və sərin bulaq suyu qusarlılar üçün əvəzolunmaz bir nemətdir.
Bir neçə ildir ki, təqaüdə çıxmışam. Qusarda yaz başlayanda həmişə rayon rəhbərliyi şənbə günləri iməciliklər keçirir və bu ənənə hazırkı dövrə kimi davam etməkdədir. Mən 10 il əvvəl mənzil-istismar sahəsində çalışırdım. Həmin illərdə biz iməciliklərdə iştirak edərdik. Rayon mərkəzində, kənd yollarında, körpülərin ətrafında minlərlə ağac əkmişik. O zamanlar onlar kiçicik fidanlar idi. Hazırda  əzəmətli ağaclara çevriliblər. 
Vaxtilə Qusarçayın rayona giriş körpüsünün ətrafında əkilən ağaclar bu gün böyüyüb və kölgəlikləri ilə ətrafa gözəllik verir. Nəvəmlə bu günlərdə oradan keçirdik. Dayanıb həmin ağacları seyr etdik. Təbiətin yaz dövrü gözəlliyi ilə oradan keçən hər kəsi valeh etməkdədir. Mən isə ikiqat duyğulandım. Çünki ətrafa bəzək olan bu ağacları illər öncə əkənlərdən biri mən olmuşam.  Məncə, hər kəs əliylə əkdiyi kiçik fidanın əzəmətli budaqlarını görəndə ona öz balası kimi baxır.
Bir də əkilən hər ağac qorunmalı, ona qulluq göstərilməlidir. Bu ağaclar təkcə gözəllik deyil, həm də sağlamlıq mənbəyidir.

Dilarə ŞIXVERDİYEVA,
Qusar

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video