Azərbaycan Dəmir Yollarından (ADY) verilən məlumata görə, 2026-cı ilin yanvar-oktyabr aylarında ADY tərəfindən 15 milyon 691 min ton yük daşınıb. Bu, ötən ilin müvafiq dövründə qeydə alınmış 13 milyon 911 min tonla müqayisədə 13 faiz çoxdur. Təkcə oktyabr ayında yükdaşımaların həcmi 1 milyon 714 min tona çataraq keçən ilin eyni ayına nisbətən 22 faiz artıb.
Tranzit yükdaşımalarında da müsbət dinamika müşahidə olunub. Yanvar-oktyabr aylarında tranzit daşımaların həcmi 6 milyon 582 min ton təşkil edib ki, bu da illik müqayisədə 20 faiz artım deməkdir. Oktyabr ayında isə 817 min ton tranzit yük daşınıb. Bu göstərici ötən ilin eyni ayı ilə müqayisədə 49 faiz yüksəkdir.
Konteyner daşımalarında da artım qeydə alınıb. Cari ilin 10 ayında ADY tərəfindən 132500 TEU konteyner daşınıb. Bu, ötən ilin müvafiq dövründəki 112400 TEU ilə müqayisədə 18 faiz artım deməkdir. Oktyabr ayında isə konteyner daşımalarının həcmi 16200 TEU təşkil edərək keçən ilin eyni dövrünə nisbətən 67 faiz artıb.
Çin istiqamətindən blok-qatarların qəbulunda da əhəmiyyətli artım əldə olunub. Belə ki, ilin 10 ayında Çindən 472 blok-qatar qəbul edildiyi halda, bu göstərici ötən ilin müvafiq dövrü ilə müqayisədə 49 faiz çoxdur.
Astara Terminalında həm oktyabr üzrə aylıq, həm də 10 aylıq yükaşırma göstəricilərində ən yüksək nəticələr əldə edilib. Cari ilin yanvar-oktyabr aylarında terminalda 753 614 ton yük aşırılıb. Bu, ötən ilin eyni dövründəki 550 210 tonla müqayisədə 37 faiz artım deməkdir. Oktyabr ayında isə terminalda 122 216 ton yük aşırılaraq aylıq ən yüksək nəticə müəyyən edilib. Bu göstərici keçən ilin oktyabr ayına nisbətən 65 faiz çoxdur.
Bakı Beynəlxalq Dəniz Limanında da tarixi maksimum nəticə əldə olunub - 10 ay ərzində limanda 112 min TEU-dan çox konteyner aşırılıb ki, bu da limanda konteyner aşırmaları üzrə indiyədək qeydə alınmış ən yüksək göstəricidir. Konteyner aşırılmasının həcmi ötən ilin eyni dövrü ilə müqayisədə 31 faiz artıb.
Əldə olunan nəticələr Azərbaycanın beynəlxalq nəqliyyat dəhlizlərində mövqeyinin güclənməsi, tranzit imkanlarının genişlənməsi və ölkənin nəqliyyat-logistika infrastrukturundan istifadənin artması baxımından mühüm əhəmiyyət daşıyır.
Rüstəm KAMAL,
"Azərbaycan"
jpeg_1794654872.jpeg)
31 - Copyjpg_1794009722.jpg)
314444444 - Copyjpg_1793831795.jpg)
