31 May 2023 21:37
561
PARLAMENT
A- A+

Türkiyəli professor İsmayıl Koyuncunun rəhbərlik etdiyi nümayəndə heyəti Milli Məclisdə olub

 

Mayın 31-də Milli Məclisdə parlamentin Təbii ehtiyatlar, energetika və ekologiya komitəsinin sədri Sadiq Qurbanov İstanbul Texniki Universitetinin rektoru İsmayıl Koyuncunun rəhbərlik etdiyi nümayəndə heyəti ilə görüşüb.

AZƏRTAC xəbər verir ki, görüşdə Sadiq Qurbanov mayın 28-də Türkiyədə keçirilən prezident seçkilərində Prezident Rəcəb Tayyib Ərdoğanın qələbəsinin Azərbaycan xalqını da sevindirdiyini bildirib. O, dünyanın yeni nizamının qurulduğu bir dövrdə iki qardaş ölkənin birliyinin, həmrəyliyinin vacib olduğunu qeyd edib.

Elm və texnologiyanın inkişafının labüd proses olmasından danışan komitə sədri bu kontekstdə yaşıl enerjinin əhəmiyyətini vurğulayıb. Hazırda bərpaolunan enerjiyə tələbatın artdığını diqqətə çatdıraraq hər zaman öndə olmaq üçün Azərbaycan və Türkiyənin elm adamlarının səylərinin birləşdirilməsinin vacibliyini qeyd edib.

Ekoloji problemlərin bəşəriyyətə qarşı törətdiyi təhdidlərdən bəhs edən komitə sədri bu problemlərin həllinin vacibliyini vurğulayıb, ölkələrimizin bu istiqamətdə birgə həyata keçirə biləcəyi layihələr barədə fikirlərini bölüşüb.

İstanbul Texniki Universitetinin rektoru İsmayıl Koyuncu qardaş Azərbaycanda olmaqdan məmnunluq duyduğunu dilə gətirib və Bakıda bir sıra mühüm görüşlər keçirdiyini bildirib. O, ətraf mühitin mühafizəsi, su qıtlığı, minatəmizləmə sahəsində və digər məsələlərlə bağlı Türkiyənin təcrübəsindən danışıb. Bildirib ki, ölkələrimizin elm sahəsində birgə fəaliyyəti dövrün tələbidir.

Deputatlar İltizam Yusifov və Fatma Yıldırım ölkələrimizin su qıtlığı məsələsinə toxunublar, Ermənistanın işğalından sonra torpaqlarımızın mina terrorundan əziyyət çəkdiyini diqqətə çatdırıblar. Deputatlar ekoloji problemlərin həlli və ətraf mühitin təhlükəsizliyi ilə bağlı fikirlərini bildiriblər.

Sonra söhbətdə tərəfləri maraqlandıran məsələlər barədə fikir mübadiləsi aparılıb.

Görüşdə Milli Məclisin deputatları Anar Məmmədov, Əliabbas Salahzadə və digər rəsmi şəxslər iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video