Təkliflər üçün Dəvət Mallar

(Iki Zərfli Tender Prosesi)

Ölkə: Azərbaycan Respublikası

Satınalan təşkilat: Əmək və Əhalinin Sosial Müdafiəsi Nazirliyi

Layihənin adı: Məşğulluğa Dəstək Layihəsi

Müqavilə adı: “Özünəxidmət avtoyuma”, “Avtodəmirçi xidmətləri və PDR (zədələrin boyasız təmiri)”, “Avtorazval xidməti”, “Avtomobil disklərinin təmiri” yeni məşğulluq zərfləri üzrə avadanlıqların satınalınması

Kredit No.: 9044-AZ

TÜD No.: AZ-MLSPP-463551-GO-RFB

1.            Azərbaycan Respublikasının Hökuməti Dünya Bankından Məşğulluğa Dəstək Layihəsini həyata keçirilməsi məqsədilə kredit almış və bu kredit vəsaitinin bir hissəsini yeni məşğulluq istiqamətləri üzrə avadanlıqların satınalınması əsasında bağlanacaq müqavilədən irəli gələn ödənişlərə ayırmaq niyyətindədir. Bu müqavilə üzrə Borcalan, müqavilədə akkreditiv vasitəsilə həyata keçirilməsi nəzərdə tutulan ödənişlər istisna olmaqla, Dünya Bankının İnvestisiya Layihəsinin Maliyyələşdirilməsi üzrə Ödəniş Təlimatlarında müəyyən edildiyi kimi Birbaşa Ödənişin edilməsi metodundan istifadə etməklə ödənişləri emal etməlidir.

2.            Əmək və Əhalinin Sosial Müdafiəsi Nazirliyi uyğun İddiaçılardan avadanlıqların çatdırılması, quraşdırılması və işə salınması daxil aşağıdakı yeni məşğulluq istiqamətləri üzrə avadanlıqların satınalınması ilə bağlı möhürlənmiş təkliflərini təqdim etməyə dəvət edir:

·         Özünəxidmət avtoyuma (50 aktiv)

·         Avtodəmirçi xidmətləri və PDR (zədələrin boyasız təmiri (70 aktiv)

·         Avtorazval xidməti (120 aktiv)

·         Avtomobil disklərinin təmiri (110 aktiv)

Mallar (i) avans ödəniş tarixindən etibarən 20 (iyirmi) həftə ərzində Bakıda yerləşən Dövlət Məşğulluq Agentliyinin (DMA) anbarına, (ii) DMA tərəfindən dəqiq ünvanlar təmin olunduqdan sonra  dörd (4) həftə ərzində Alıcının ölkəsində daxilində müəyyən edilmiş son təyinat məntəqələrinə çatdırılmalıdır. Alıcının ölkəsində sığorta da nəzərə alınmaqla Təchizatçı tərəfindən malların son təyinat məntəqələrinə daşınması və icra olunacaq əlaqəli xidmətlər də müqavilə qiymətinə daxil ediləcək.

3.            Tender Dünya Bankının “İLM Borcalanları üçün Satınalma Qaydaları” 2016-cı il iyul, 2017-ci il noyabr, 2018-ci il avqust, 2020-ci il noyabr və 2023-cü il sentyabr aylarında qəbul olunmuş (“Satınalma Qaydaları”) ilə müəyyən edilmiş bir Təkliflər üçün Dəvət (TÜD) istifadə edilərək Beynəlxalq Rəqabətli Tender yolu ilə aparılacaq və Satınalma Qaydalarında müəyyən olunmuş bütün uyğun İddiaçılara açıqdır.

4.            Maraqlı olan uyğun İddiaçılar əlavə məlumatı Əmək və Əhalinin Sosial Müdafiəsi Nazirliyi / Məşğulluğa Dəstək Layihəsi, [email protected] (sürəti [email protected]) ünvanlarından (Layihə Koordinatoru Fəqan Əsgərov adına) əldə edə bilər və tender sənədi ilə aşağıda göstərilən ünvanda iş günləri ərzində (09:00-17:00 saatlar arasında) tanış ola bilərlər.

Maraqlı olan iddiaçılar tender sənədlərinin ingilis dilindəki tam toplusunu aşağıda göstərilən ünvana məktub təqdim etməklə və geri qaytarılmayan 340 AZN və ya 200 ABŞ dolları ödəməklə əldə edə bilərlər. Ödəniş birbaşa depozit və ya Əmək və Əhalinin Müdafiəsi Nazirliyi nəzdində fəaliyyət göstərən Məşğulluğa Dəstək Layihəsi, Layihə İdarəetmə Qrupunun aşağıda göstərilən hesabına köçürmə yolu ilə keçirilə bilər. Tender sənədi geri qaytarılmayan haqqı ödəmiş iddiaçılara iddiaçının seçimi ilə ya iddiaçının nümayəndəsi tərəfindən aşağıda göstərilən ünvanda Layihə ofisindən alına bilər, ya da e-poçt/kuryer vasitəsilə PDF formatında göndəriləcək.

5.            Təkliflər 23 aprel 2025-ci il Bakı vaxtı ilə 15:00-dan gec olmayaraq aşağıdakı ünvana çatdırılmalıdır. Təkliflərin elektron şəkildə təqdim edilməsinə icazə verilmir. Gecikmiş təkliflər qəbul olunmayacaqdır. Yalnız Satınalantəşkilata müraciət etmiş və rəsmi qeydiyyatdan keçmiş İddiaçıların təklifləri qəbul ediləcəkdir. “TƏKLİFİN ƏSLİ” kimi işarələnmiş zərflərin daxilində olan “TEXNİKİ HİSSƏ” adlı zərflər İddiaçıların təyin edilmiş nümayəndələrinin və iştirak etmək istəyən hər kəsin iştirakı ilə aşağıdakı göstərilən ünvanda 23 aprel 2025-ci il Bakı vaxtı ilə 15:00-da publik şəkildə açılacaqdır. “İKİNCİ ZƏRF: MALİYYƏ HİSSƏSİ” qeyd olunmuş bütün zərflər açılmamış qalacaq və ikinci açıq açılışa qədər Alıcının mühafizəsində saxlanılacaq.

6.            Bütün Tender təklifləri 30 000 (otuz min) ABŞ Dollar məbləğində Təklif Təminatı ilə müşayiət olunmalıdır.

7.            Borcalandan Müqavilənin Mükafatı Bildirişinin bir hissəsi kimi, tender sənədinə daxil edilmiş Benefisiar Mülkiyyətin Açıqlanması Formasından istifadə edərək, qalib tender iştirakçısının benefisiar mülkiyyəti haqqında məlumatı açıqlamasını tələb edən Satınalma Qaydalarına diqqət yetirilir.

8.             Yuxarıda nəzərdə tutulan ünvan:

Əmək və Əhalinin Sosial Müdafiəsi Nazirliyi /

Məşğulluğa Dəstək Layihəsi

Fəqan Əsgərov, Layihə Koordinatoru

Nazim Hikmət küç. 27,

Rich Plaza, 1-ci giriş, 2-ci mərtəbə

AZ1100, Bakı, Azərbaycan

Tel: (99412) 5253449

E-mail: [email protected]; [email protected]