25 May 2023 09:20
694
SİYASƏT
A- A+

Sabit iqtisadiyyat, əlverişli investisiya mühiti

 

Litvalı iş adamlarını Azərbaycana cəlb edən əsas şərtlərdir

 

Dünya xəritəsinin hansı nöqtəsində yerləşməsindən asılı olmayaraq, dövlətlərarası münasibətlər qarşılıqlı hörmət və anlaşma şəraitində olanda dostluğun, əməkdaşlığın rəmzinə çevrilir. Azərbaycanla Litva arasındakı münasibətlər məhz bu baxımdan  ildən-ilə möhkəmlənir, dərinləşir, genişlənir. 
Bu həm də ona görə belədir ki,  hər iki ölkə  keçmiş SSRİ-nin "şinelindən çıxıb". Ona görə də bir-birini qarşılıqlı anlayacağına, dost, qardaş münasibəti sərgiləyəcəklərinə güvənərək müstəqillikdən sonra 1995-ci ildə diplomatik əlaqələrin əsasını qoymuşlar. Ötən 28 ildə Azərbaycan-Litva iqtisadi əməkdaşlığı önəmli dərəcədə inkişaf etmişdir.  
Hər iki ölkənin ağır və yüngül sənaye, kənd təsərrüfatı, tikinti, təhsil, tibb və digər sahələri təmsil edən iş adamlarının iştirakı ilə keçirilən biznes-forumlara dövlət başçılarının  da dəstək verməsi dövlətlərarası münasibətlərin yüksək göstəricisi deməkdir. Bu, əlverişli biznes və investisiya mühitində sənaye parkları və məhəllələrinin, eləcə də aqroparkların qurulmasında özünü  aydın göstərir. Rəsmi məlumata görə, ölkəmizin 2030-cu ilədək sosial-iqtisadi inkişaf prioritetləri Litva ilə tərəfdaşlığın sürətli inkişafına daha münbit şərait yaradacaq.  Çünki "yaşıl" iqtisadiyyatın genişləndirilməsi və işğaldan azad edilmiş ərazilərimizin bərpası istiqamətində əməkdaşlıq üçün böyük perspektivlər var. Ona görə də  hələ əvvəlki illərdə Litvanın iş adamları ölkəmizdə yaradılmış biznes mühitindən yararlanmaq üçün fəal əməkdaşlığa dəvət olundular. Azərbaycanda iqtisadiyyatın sabitliyinin, münbit investisiya şəraitinin və təbii sərvətlərin bol olduğunu görən litvalı iş adamları dəvəti məmnuniyyətlə qəbul etdilər.
Növbəti dəfə Litvaya səfər edən Prezident İlham Əliyev litvalı həmkarı Gitanas Nausedanın da iştirak etdiyi,  80-dək şirkətin təmsil olunduğu Azərbaycan-Litva biznes forumunda fikirlərini belə ifadə etdi: "Litvalı dostlarımıza məlumat vermək istərdim ki, Azərbaycan iqtisadiyyatı hazırda, eyni zamanda əsas hədəf şaxələndirmədir. Düşünürəm ki, biz iqtisadiyyatımızı xeyli şaxələndirə biləcəyik və enerji sektorundan asılılığı azaldacağıq. Baxmayaraq ki, enerji sektoru enerji təhlükəsizliyimizdə və Avropanın enerji təhlükəsizliyində öz mühüm rolunu oynamağı davam etdirəcək... Litva şirkətlərini Azərbaycana daha çox cəlb etmək üçün demək istəyirəm ki, bizim xarici borcumuz çox aşağıdır, ümumi daxili məhsulun 10 faizindən də azdır. Milli valyutamız sabitdir. Əminəm ki, sabit qalacaq, çünki xarici ticarət balansında artıqlıq yaranıb. Bu, kifayət qədər böyük həcmdir. Dövlət Neft Fondumuzda topladığımız valyuta ehtiyatlarımız və Mərkəzi Bankın ehtiyatları xarici borcu on dəfədən çox üstələyir. Beləliklə, iqtisadiyyatımızın sabitliyi regional iqtisadi əməkdaşlıq və sərmayə mühiti üçün mühüm amildir, çünki münbit investisiya mühiti təkcə yaxşı qanunvericiliyin yazılması ilə şərtlənmir. Bu, kifayət deyil. Yaxşı biznes imkanlarının, çox dinamik yerli bazarın və qonşu bazarlara çıxışın olması vacibdir. Buna görə, Azərbaycan bazarı genişlənir, əhali artır. Mərkəzi Asiya bazarlarına çıxış təmin edilir. Həmçinin ölkənizin yerləşdiyi regionla güclü bağlantıların qurulması birmənalı olaraq əlavə imkanlar yaradacaq".
Azərbaycanı və Litvanı birləşdirən nəqliyyat-kommunikasiya xidmətlərinin yaradılması da iki ölkə arasında dostluğa və əməkdaşlığa önəmli təsir göstərən amildir. Biznes-forumda qeyd edildi ki, bu məsələ ilə ciddi məşğul olmağın vaxtıdır. Çünki  dünyada hökm sürən  yeni geosiyasi reallıq bunu diktə edir. Vilnüsdə mətbuata bəyanat verən İlham Əliyev Azərbaycan ərazisindən keçən tranzit yüklərin həcminin ildən-ilə artdığını və  gələcəkdə də artacağını vurğulayaraq dolayısı ilə bu fikri təsdiqlədi: "Müasir infrastrukturumuz buna imkan yaradır. Xəzər dənizini, Cənubi Qafqazı Baltik dənizi ölkələri ilə birləşdirən nəqliyyat marşrutları da bəllidir. Sadəcə olaraq, biz birgə səylərlə həmin birləşmə layihələrini həyata keçirərək bu sahədə də uğurlu əməkdaşlığa nail olacağıq". 
Təbii ki, Prezident İlham Əliyevin Litvaya növbəti səfəri Azərbaycanın  Avropa məkanında yüksək söz sahibi kimi tanınması və qitədə yerləşən ölkələrlə  genişlənən  siyasi-iqtisadi əlaqələrdən  xəbər verir. Şübhəsiz ki, bu səfər də iki ölkə arasındakı münasibətlərin dərinləşməsi və  iqtisadi əlaqələrin möhkəmlənməsi üçün böyük zəmin yaradır. 

Züleyxa ƏLİYEVA, 
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video