"Qurani-Kərim"i yandıran rusiyalı tələbə Çeçenistana təhvil verildi
Volqoqradda "Quranı-Kərim"i yandırmaqda ittiham olunan 19 yaşlı tələbə Nikita Juravel Çeçenistanın paytaxtı Qroznıya aparılıb. "TASS" xəbər verir ki, şəhər sakinləri istintaq təcridxanasının yaxınlığında toplaşıblar.
Müstəntiqlərin fikrincə, müqəddəs kitab Volqoqraddakı Mərkəzi Katedral məscidinin yaxınlığında mayın 19-da yandırılıb. Rusiya Federasiyası Cinayət Məcəlləsinin 148-ci (möminlərin hisslərini təhqir etmək) maddəsi ilə iş açılıb.
Dindirilmə zamanı Nikita Juravel bildirib ki, o, aksiyanı xarici xüsusi xidmət orqanlarının göstərişi ilə 10 min rubl mükafat qarşılığında həyata keçirib. Volqoqrad məhkəməsi onu iki ay müddətinə həbs edib və işi Çeçenistana ötürüb.
Çeçen rəsmiləri Juravelin Qroznıda mühakimə olunacağını bildiriblər və vurğulayıblar ki, o, müsəlman dindarların hisslərinə təcavüz etdiyi üçün cəzasını burada çəkəcək.
Respublikanın milli siyasət, xarici əlaqələr, mətbuat və informasiya naziri Əhməd Dudayevin dediyinə əsasən, Nikita Juravelin məhkəməsi Çeçenistanda keçiriləcək: "Bütün dinlərin və konfessiyaların düşməni olan bu təxribatçının işi federal rəhbərliyin təşəbbüsü ilə bölgəmizə köçürülüb. O, burada mühakimə olunacaq, cəzasını çəkəcək, çünki müsəlman möminlərin hisslərinə təcavüz edib. Burada onun qanun çərçivəsində öz cəzasını tapacağını düşünürəm".
Antimüsəlman aksiyasına görə həbs edilən tələbə Nikita Juravelin işi geniş rezonans doğurub. Qroznıda bu, təşkilatçıların fikrincə, din üçün canlarını verməyə hazır olduqlarını bəyan edən təxminən 20 min insanı bir araya gətirən etiraz mitinqinin səbəbi olub.
Regional İctimai Palatanın təşkilatçılığı ilə keçirilmiş aksiyanın iştirakçıları əllərində "Əlini "Quran"dan çək", "Müqəddəs kitaba toxunma", "Dinimiz üçün canımızı verməyə hazırıq" plakatları qaldırıblar.
"Bu şəxs burada mühakimə olunacaq", - deyə "Qroznı" teleradiokanalının direktoru Çingiz Əhmədov bildirib: "Və çox güman ki, o, cəzasını Çeçenistan Respublikası ərazisində çəkəcək. Bu, islam dininə, çeçen xalqına və respublikanın rəhbəri Ramzan Kadırova hörmət, böyük lütf jestidir. Belə bir adamın regionumuza təhvil verilməsi presedenti Rusiyanın ictimai-siyasi həyatında böyük hadisədir. O, qanun çərçivəsində cavab verəcək".
Rusiya Federasiyasının ədliyyə naziri Konstantin Çuyçenko vəziyyəti şərh edərkən qeyd edib ki, o, hökmdən sonra məhkumun cəzasını çəkməsi üçün əhalisinin əksəriyyəti müsəlman olan bölgəyə göndərilməsini düzgün hesab edir.
Rizvan CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Dəmiryol nəqliyyatı təyinatlı torpaqların sərhədlərinin kağız üzərində və elektron formada (ArcGİS ...
27 Aprel
Mərakeş Kralı COP29-a dəvət olunub
27 Aprel
"Ədibin evi"ndə Mir Cəlal Paşayevin 116 illik yubileyinə həsr olunmuş tədbir keçirilib
26 Aprel
Dmitri Savelyev: Cənubi Qafqazda sülhün və sabitliyin qorunması bütün Avrasiya üçün qlobal təhlükəsi...
26 Aprel
TBMM-in üzvü: Şuşa özünün dəyərləri və mədəniyyəti ilə çox fərqli bir yerdir
26 Aprel
Monteneqro Baş nazirinin müavini: Ölkələrimiz arasındakı əlaqələr strateji tərəfdaşlıq xarakteri daş...
26 Aprel
Qırğız Mədəniyyəti Günlərinin bağlanış mərasimi keçirilib
26 Aprel
Almaniyadakı Azərbaycan diasporunun üzvləri Prezident İlham Əliyevi böyük coşqu ilə qarşılayıblar...
26 Aprel
Azərbaycan və Monteneqro parlamentləri arasında əlaqələr müzakirə olunub
26 Aprel
Hidayət Heydərov dördqat Avropa çempionu olub
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!