19 May 2023 11:10
6657
Oxucu məktubları
A- A+

Nə qədər ki, gec deyil...

 

Son illər Lerikin dağ kəndlərində olduqca qəribə "vərdiş" yaranıb: ayrı-ayrı adamlar  əli haraya çatırsa,  oranı dədə malı kımi  zəbt edir. Beləcə rayonun çox yerində olan yamaclar, dərə kənarları, su hövzələri, mal-qaranın otlaq sahələri  çəpərə alınıb.  Hətta bu "çəpərləmə əməliyyatı" kəndləri bir-birinə qarşı qoyur.  Hələ qırılan ağacları demirəm...
Doğrudur, bu barədə bir neçə dəfə cinayət işi açılıb. Amma bunun bir o qədər də təsiri yoxdur. Çəpərlərin sayı gündən-günə artır. Adam var hektarlarla torpağı çəpərə alıb, adam da var bir inəyini otarmağa yer tapmır. Hətta bulaqlar çəpərlənir ki, sonra suyu  başqasına pulla satsınlar.  Meşəliklərə "sahib" duranlar isə  xalqın sərvətini istədiyi kimi talayır. 
Əlioba adlanan başdan-başa yamaclıq olan ərazi  dövlət tərəfindən örüş  yeri kimi  saxlanıb. Onun aşağı   hissəsindən  çay axır. Amma  Aküşəpeştə kənd  sakinləri buranı elə çəpərə alıb ki,  Bradi kəndinin mal-qarası  çaya düşüb su içə bilmir. Elə yerlər də var ki,  orada vaxtilə  istifadə olunan  yollar belə tutulub. Hovil, Qılqılov, Vov, Ləkər... kəndlərində də vəziyyət eynidir.
Nə qədər ki, gec deyil, əlaqədar təşkilatlar bu özbaşınalığın aradan qaldırılması üçün ciddi tədbirlər görməlidir. 

Zəfər ORUCOĞLU, 
Lerik rayonu Bradi kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video