21 Iyun 2024 08:40
221
SİYASƏT
A- A+

Fransanın növbəti məsuliyyətsizliyi

 

Məqsəd yeni müharibə ocağının yaranmasıdır

 

"İyunun 18-də Ermənistanın müdafiə naziri Suren Papikyan və fransalı həmkarı Sebastyan Lekornu hərbi əməkdaşlığa dair sənədlər paketi imzalayıblar. Bağlanmış  müqavilə iki dövlət arasında həm də "Caesar" özüyeriyən artilleriya qurğularının alqı-satqısını nəzərdə tutur".
Bu sözləri "Azərbaycan" qəzetinə açıqlamasında Milli Məclisin deputatı Arzu Nağıyev deyib. Deputat bildirib ki, bu qurğunun birinin qiyməti 7 milyon dollardır və 40-54 km arasında atış məsafəsinə malikdir. Bir neçə nəfərdən ibarət heyəti var və yerini dəyişə bilir. Bunlar öldürücü və hücum xarakterli silahlardır. 
Deputat qeyd edib ki, Fransanın məqsədi yalnız Ermənistanı müdafiə etmək üçün silahlarla təmin etmək deyil: "Fransanın Ermənistanı silahlandırmasının sonu acınacaqlı nəticə verə bilər. Bu qurğulardan açılan atəş qonşu dövlətlərin ərazisinə düşsə, təbii ki, yenidən müharibə ocağının yaranmasına gətirib çıxaracaq. Bunu dünya ictimaiyyəti də başa düşməlidir ki, Cənubi Qafqazda müharibə ocaqlarının yenidən alovlandırılmasında səbəbkar məhz Emmanuel Makron və onun komandasıdır. Gələcəkdə bütün məsuliyyəti də onlar daşımalıdırlar. Yəni bu müqavilə erməniləri digər dövlətlərdən müdafiə etmək məqsədi daşımır". 
A.Nağıyev bildirib ki, Afrika siyasəti fiaskoya uğrayan Paris indi də Cənubi Qafqazda nüfuzunu bərpa etmək üçün Ermənistandan həm siyasi, həm iqtisadi, həm də hərbi cəhətdən istifadə etməyə çalışır. Təəssüf doğuran məsələ odur ki, bunu hərbi yolla etmək istəyirlər. Bu həm Rusiyaya, həm Türkiyəyə, həm də Azərbaycana qarşı yönəldilmiş siyasətdir. 
Deputat vurğulayıb ki, NATO-nun üzvü olan bir dövlətin regiona bu qədər silah-sursat göndərməsi və bu məqsədlə Ermənistandan istifadə etməsi acı nəticələnə bilər. "Fransanın Ermənistanı silahlandırması ilə bağlı Azərbaycan Müdafiə Nazirliyinin verdiyi bəyanat da yerində və vaxtında atılmış addımdır. Bu, Azərbaycan tərəfindən bir xəbərdarlıqdır. Azərbaycan öz suverenliyini, ərazi bütövlüyünü nəyin bahasına olursa-olsun, qorumağa qadirdir. BMT Təhlükəsizlik Şurasının üzvü olan bir dövlətin Ermənistanı yenidən silahlandırması və onların revanşizm siyasətini dəstəkləməsi qınanmalıdır. Çünki bu, yeni müharibəyə aparan yoldur", - deyə A.Nağıyev bildirib.

Əsmər QARDAŞXANOVA,
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video