23 Aprel 2024 14:40
383
İDMAN
A- A+

Çingiz Hüseynzadə: “İnanıram ki, atletlərimiz lisenziyalarımızın sayını daha da artıracaqlar”


"Tokio-2020 Yay Olimpiya Oyunlarında idmançılarımız 44 lisenziya qazanmışdılar. Hesab edirəm ki, Paris-2024-də bu rəqəmi saxlamalıyıq”.
Bu sözləri Milli Olimpiya Komitəsinin vitse-prezidenti Çingiz Hüseynzadə MOK və "Visa” şirkəti arasında tərəfdaşlığa həsr olunmuş mətbuat konfransında jurnalistlərə açıqlamasında bildirib.
Atletlərimizin Paris Olimpiadasına bu günə qədər 17 lisenziya qazandığını deyən Çingiz Hüseynzadə bu rəqəmin lisenziya yarışları başa çatdıqdan sonra daha da artacağını qeyd edib: "Bizim artıq bir neçə idman növlərində lisenziyalarımız var. Batut gimnastikası üzrə, 3x3 basketbol üzrə qadınlardan ibarət millimiz ilk dəfə olaraq Olimpiya Oyunlarına lisenziya əldə etdilər. Əslində bu sürpriz sayılmamalıdır. Əgər biz Bakıda keçirilən IV İslam Həmrəyliyi Oyunlarına və Konya-2021-də əldə olunan nəticələrə baxsaq, görərik ki, basketbolçularımız bu Oyunlarda birinci yeri tutublar. Yəni bu komandanın böyük nəticəsi var və Paris-2024-ə lisenziyanı heç də təsadüfən qazanmayıb.
Bundan başqa, ilk dəfə olaraq qadın cüdoçularımız bu olimpiadada 3 idmançı ilə təmsil oluna bilər. Lisenziya yarışları davam edir. İnanıram ki, atletlərimiz bu yarışlarda uğurla çıxış edərək, lisenziyalarımızın sayını daha da artıracaqlar. Hər Olimpiya Oyunlarında idman növlərimizin sayı artır. Medal qazanılan idman növlərimizin də sayında artım var. Düşünürəm ki, bu il də belə olacaq və idmançılarımız bizi yeni qələbələri ilə sevindirəcəklər”.

“Azərbaycan”
 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video