23 Fevral 2024 23:48
273
İDMAN
A- A+

    “Bayer”in idman direktoru: “Qarabağ” böyük hörmətə layiqdir”

 

“Qarabağ” güclü rəqibdir və onlar bunu qrup mərhələsində sübuta yetiriblər”. İdman.biz xəbər verir ki, bunu Avropa Liqasının 1/8 finalında “Qarabağ”ın rəqibi “Bayer”in idman direktoru Simon Rolfes deyib.
Leverkuzen klubunun keçmiş futbolçusu bu gün keçirilən püşkatmaya münasibət bildirib. Rolfes “Braqa” ilə oyunlarda “Qarabağ”ın çıxışını qabardıb: “Bizə çox tanış, həm də asan olmayan rəqibdir. “Braqa” ilə görüşdə oyunun gedişini öz xeyirlərinə dəyişə bildilər. “Qarabağ” böyük hörmətə layiqdir. Rəqiblə qarşılaşmalara yüksək konsentrasiya ilə çıxmalıyıq. Növbəti mərhələyə yüksəlmək üçün bizi 2 çətin oyun gözləyir”.
Qeyd edək ki, “Qarabağ”la “Bayer” turnirin qrup mərhələsində üz-üzə gəliblər. Almaniya təmsilçisi Leverkizendə 5:1, Bakıda 1:0 hesabı ilə qələbə qazanıb. Komandalar arasındakı 1/8 finalın ilk oyunu martın 7-də Bakıda, cavab matçı isə bir həftə sonra Bakıda olacaq.

"Azərbaycan"


 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video