28 May 2024 10:37
336
SİYASƏT
A- A+

Bakı və Moskva Rusiyanın Xankəndidə baş konsulluğunun yaradılması məsələsini müzakirə ediblər  

 

Rusiya Federasiyasının (RF) Federasiya Şurasında Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi nümayəndə heyəti ilə görüş keçirilib.

AZƏRTAC xəbər verir ki, RF Federasiya Şurasının Beynəlxalq məsələlər komitəsinin sədri Qriqori Karasin Azərbaycan Milli Məclisinin nümayəndə heyəti ilə görüşüb.

Q.Karasin qeyd edib ki, Rusiya ilə Azərbaycan arasında münasibətlər daim mehriban qonşuluq ənənələri, qarşılıqlı hörmət və bir-birinin maraqlarının nəzərə alınması əsasında inkişaf edir.

“Rusiya və Azərbaycan parlamentarilərinin qarşılıqlı fəaliyyətinin yüksək səviyyədə olduğunu məmnunluqla qeyd edirik”, - deyə Q. Karasin vurğulayıb.

Onun sözlərinə görə, ikitərəfli formatda və beynəlxalq platformalarda, xüsusilə Parlamentlərarası Birlikdə, MDB-nin Parlamentlərarası Assambleyasında, Asiya Parlament Assambleyasında fəal əməkdaşlıq dəstəklənir. Q. Karasin mayın 1-3-də Bakıda keçirilən VI Ümumdünya Mədəniyyətlərarası Dialoq Forumunun nəticələrini vurğulayıb.

“Rusiya Federasiyası Federal Məclisinin və Azərbaycan Respublikası Milli Məclisinin Əməkdaşlıq üzrə Parlamentlərarası Komissiyasının 21-ci iclasına hazırlaşırıq”, - deyə o, bildirib. Tədbir iyunun 20-21-də Moskva və Tver şəhərlərində keçiriləcək. 2024-2026-cı illər üçün İş planının (“Yol xəritəsi”) imzalanması planlaşdırılır.

FS Komitəsinin rəhbəri Milli Məclisin sədri üçün iyulun 11-12-də BRİKS-ın X Parlament Forumunun Sankt-Peterburqda keçiriləcək işində iştirak etmək dəvətini təsdiqləyib.

Söhbət zamanı habelə konsulluq sahəsində və mədəni-humanitar sahədə qarşılıqlı fəaliyyətə toxunulub. Söhbət xüsusilə, Rusiyanın Xankəndidə baş konsulluğunun yaradılması və Azərbaycanın Rus Dilinin Dəstəklənməsi və Təbliği üzrə Beynəlxalq Təşkilata qoşulması məsələsini əhatə edib.

Tərəflər regional və beynəlxalq gündəm məsələlərinə dair fikir mübadiləsi aparıblar.

Səməd Seyidov görüşdən məmnunluğunu ifadə edib və əlaqələrin davam etdirilməsinin tərəfdarı olduğunu bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video