16 Aprel 2024 16:02
308
SİYASƏT
A- A+

ATƏT-in konfransında Azərbaycandakı multikultural mühit barədə məlumat verilib

 

ATƏT regionunda antisemitizmlə mübarizəyə həsr olunan konfrans keçirilib.

Bakı Beynəlxalq Multikulturalizm Mərkəzinin mətbuat xidmətindən bildirilib ki, Berlin Bəyannaməsinin (2004-cü il aprelin 28-29-da ATƏT-in Antisemitizm üzrə ikinci konfransında qəbul olunub) 20 illiyi münasibətilə təşkil edilən konfransda antisemitizmlə mübarizədə irəliləyişlər nəzərdən keçirilib, davamlı problemlərin səmərəli şəkildə necə həll oluna biləcəyi müzakirə edilib.

ATƏT-in fəaliyyətdə olan sədrlərinin antisemitizmlə mübarizəyə həsr olunmuş illik konfrans və görüşlərinin davamı sayılan tədbirdə Mərkəzin müşaviri Aytən Qəhrəman Azərbaycandakı multikultural mühit barədə məlumat verib. Bildirib ki, çoxmillətli və çoxkonfessiyalı ölkə olan Azərbaycan ardıcıl olaraq nifrətə qarşı mübarizəni, müxtəlif cəmiyyətlərin inteqrasiyasını asanlaşdıran, tolerantlıq və ayrı-seçkiliyin qarşısını alan siyasətin təşviqini müdafiə edir. Müşavir vurğulayıb ki, Azərbaycan antisemitizmin sıfır səviyyəsində olan dövlətlər sırasındadır. Azərbaycanda beş yəhudi icması və səkkiz sinaqoq var, onlardan ikisi dövlətin maliyyəsi ilə tikilib. Cənubi Qafqazın ən böyük yəhudi məktəbi də Bakıda fəaliyyət göstərir.

Konfransda dözümsüzlüyün və antisemitizmin bütün formaları birmənalı şəkildə pislənib. Həmçinin ATƏT və onun iştirakçı dövlətləri üçün antisemitizmlə mübarizədəki boşluqları aradan qaldırmaq, dini və mədəni sərhədlər boyunca etimad, dinc yanaşı yaşamaq səylərini gücləndirmək üçün yenilənmiş gündəlik müəyyənləşdirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video