10 Aprel 2024 09:55
7786
Oxucu məktubları
A- A+

Zəbt olunmuş torpaq sahələri ilə bağlı tədbirlər görülür

 

"Azərbaycan" qəzetinin 14 mart 2024-cü il tarixli sayında dərc olunmuş "Lerikdə bulaqların çəpərlənməsi kəndləri susuz qoyub" sərlövhəli oxucu məktubunda qaldırılmış problemin həlli istiqamətində tədbirlərin görülməsi və bu barədə redaksiyaya məlumat verilməsi ilə bağlı rayon icra hakimiyyətinə daxil olan məktubunuza baxılmışdır. 
Bildiririk ki, məqalədə dərc olunmuş məsələlər araşdırılmışdır. Müəyyən olunmuşdur ki, rayonun Bradi və Dəstər kəndlərində torpaq islahatı 1997-1998-ci illərdə aparılmışdır. Torpaq islahatı aparılan zaman dövlət, bələdiyyə və xüsusi mülkiyyət növləri müəyyənləşdirilmiş, məqalədə dərc olunmuş yamaclar, dərə kənarları, su hövzələri, kollu örüş və kəndətrafı örüş sahələri, habelə yollar bələdiyyə mülkiyyətində saxlanılmışdır. "Bələdiyyələrin su təsərrüfatı haqqında" Azərbaycan Respublikası Qanununun 6.2.2-ci maddəsinə əsasən, bələdiyyə torpaqlarında yerləşən dövlət mülkiyyətində və xüsusi mülkiyyətdə, habelə Sudan İstifadəedənlər Birliyinin istifadəsində olmayan bulaqlar, quyular, kəhrizlər və yerli əhəmiyyətli digər su obyektləri bələdiyyələrin su təsərrüfatının strukturuna aiddir.
Mövcud qanunvericiliyin tələblərini əldə rəhbər tutaraq vətəndaşlar tərəfindən zəbt olunmuş sahələrin qısa müddət ərzində asudələşdirilməsi ilə bağlı Dəstər bələdiyyəsinə rayon icra hakimiyyəti tərəfindən müraciət edilmiş və zəbt olunmuş torpaq sahələrinin asudələşdirilməsi ilə bağlı tədbirlərin görülməsindən ötrü müvafiq tövsiyələr verilmişdir.      

Habil MƏLİKOV, 
Lerik Rayon İcra Hakimiyyəti başçısının səlahiyyətlərini icra edən

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video