21 Fevral 2024 14:01
242
İDMAN
A- A+

Qurban Qurbanov: “Braqa” ilə oyun bizim üçün çox vacib və dəyərlidir

 

“Bizim üçün çox vacib və dəyərli oyundur. Fikrimizi tam olaraq rəqibə yönəltmişik”.

AZƏRTAC xəbər verir ki, bu sözləri “Qarabağ”ın baş məşqçisi Qurban Qurbanov Avropa Liqasının pley-off mərhələsində Bakıda Portuqaliyanın “Braqa” komandasına qarşı keçirəcəkləri cavab oyunu barədə danışarkən deyib.

52 yaşlı mütəxəssis bildirib ki, ilk matçın nəticəsi onları aldatmamalıdır: “Cavab görüşündə daha səliqəli və intizamlı oynamalıyıq. Komandanı hazırlamağa çalışırıq. İnanıram ki, futbolçularım daha istəkli və soyuqqanlı olacaqlar. Sabahadək vaxtımız var. Hər şey plana uyğun gedir. Zədəli oyunçumuz yoxdur. Matçı yaxşı notlarla başa vurmaq istəyirik. Əlimizdə şans varsa, bundan istifadə etməyə çalışırıq”.

Q.Qurbanovun sözlərinə görə, "Braqa"nın öz meydanında “Qarabağ”a uduzması onların zəif olduğu anlamına gəlməməlidir: "Rəqibimiz çox böyük klubdur. Sürətli və bacarıqlı futbolçuları, bir çox rəqibə xoş olmayan oyun üslubları var. Həmçinin avrokubok təcrübələri çoxdur".

Baş məşqçi deyib ki, beynəlxalq arenada qalib gəlmək azarkeşlərin inamını artırmaq baxımından çox vacibdir: "Təbii ki, belə oyunlarda qələbə bizi daha çox sevindirir. Çünki bu, böyük uğurdur. Belə nailiyyətləri əldə etmək üçün çox çalışırıq. İnsanların sevincini görəndə növbəti görüşlərə həvəslə çıxırıq. Qələbə qazananda nəinki azarkeşlər, dövlətimizin də futbola və idmana marağı artır. Mən həmişə istəmişəm ki, ölkəmizə xarici klublar gəlsin və insanlarda futbola sevgi, həvəs çoxalsın".

Qeyd edək ki, fevralın 22-də Tofiq Bəhramov adına Respublika Stadionunda keçiriləcək oyun saat 21:45-də başlayacaq. Portuqaliyadakı ilk matçda “Qarabağ” 4:2 hesablı qələbə qazanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video