16 May 2024 09:35
3717
Oxucu məktubları
A- A+

Müraciət olunub, vəsait ayrılması gözlənilir

 

"Azərbaycan" qəzetinin 10 aprel 2024-cü il tarixli sayında dərc edilmiş "Yaxın yolumuz uzaq olub" sərlövhəli oxucu məktubunda Bakı şəhəri, Qaradağ rayonu ərazisində yerləşən Ümid qəsəbəsinə giriş yolunun bərpa edilməsi üçün əsaslı təmir işlərinin aparılması barədə müraciətinə Azərbaycan Avtomobil Yolları Dövlət Agentliyində aidiyyəti üzrə baxılmışdır.
Məlumat üçün bildiririk ki, uzunluğu 2400 metr olan Ümid qəsəbəsinə köhnə giriş yolu agentliyin mülkiyyətində olmadığından tərəfimizdən bu yola xidmət göstərilmir. 
Lakin Ümid qəsəbəsinin sakinlərinin daha öncədən Azərbaycan Respublikasının Nazirlər Kabinetinə etdiyi müraciət əsasında, mütəxəssislərimiz tərəfindən onların iştirakı ilə sözügedən avtomobil yoluna baxış keçirilmişdir. Baxış zamanı sözügedən yolun əsaslı təmir işlərinin yerinə yetirilməsi üçün yolun uzunluğu, sahəsi ölçülərək layihə-smeta sənədləri tərtib edilmiş və tələb olunan maliyyə vəsaitinin ayrılması məqsədilə İqtisadiyyat Nazirliyinə müvafiq məlumat təqdim edilmişdir. Vəsait ayrılacağı təqdirdə Ümid qəsəbəsinə giriş avtomobil yolu əsaslı təmir olunaraq yenidən bərpa ediləcəkdir.

Əvəz QOCAYEV,
Azərbaycan Avtomobil Yolları Dövlət Agentliyinin İdarə Heyətinin sədr müavini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video