01 Dekabr 2023 22:40
275
CƏMİYYƏT
A- A+

Daun sindromlu uşaqların bacarıqlarının təkmilləşdirilməsi 

 

Sürətli piyada gəzinti Daun sindormu olan insanlarda səkkiz həftə ərzində qəbul edilən informasiyanın qavranılmasının yaxşılaşmasına kömək edə bilər. Bununla bağlı tədqiqat nəticələri  “International Journal of Environmental Research and Public Health” jurnalında dərc edilib. Tədqiqatda 10 ölkədən yaşı 18-dən 48-dək olan Daun sindromlu 40 qadın və 43 kişi iştirak edib.
Tədqiqat iştirakçıları 4 qrupa bölünüb. Birinci qrup iştirakçıları həftədə 3 dəfə piyada gəzintiyə çıxıb, ikinci qrup intellektlə bağlı tapşırıqların yerinə yetirilməsi ilə məşğul olub, üçüncü qrup fiziki və koqnitiv tapşırıqları icra edib, dördüncü qrup isə heç bir fəaliyyətlə məşğul olmayıb. İştirakçıların fiziki aktivliyinə nəzarət xüsusi daşınabilən qurğu vasitəsilə həyata keçirilib.
Araşdırmanın sonunda gəzintiyə çıxan iştirakçılar altı dəqiqəyə gedə biləcəkləri məsafəni eyni müddət ərzində bir az da uzadıblar. Yalnız fiziki tapşırıqları yerinə yetirən insanların qrupunda və qarışıq hərəkətlərin icra edildiyi qruplarda əldə edilən nəticələrdə yaxşılaşma müvafiq olaraq, 11,4 və 9,9 faiz təşkil edib. Bu qruplarda, həmçinin SART (koqnitiv fəaliyyət zamanı səhvlərin tezliyi) və STROOP (qərarların qəbuledilmə sürəti və dəqiqliyi) testləri üzrə də irəliləyiş qeydə alınıb.
Piyada gəzinti aktiv beyin düşüncəsinin işə salınmasını tələb etməsə də, alimlər hərəkətverici sinir yollarının fəallaşmasının əqli inkişafı stimullaşdırdığını bildiriblər, çünki Daun sindromlu insanlar bu hərəkətlilik nəticəsində daha ayıq-sayıq, qarşıya qoyulan tapşırığa münasibətdə daha diqqətli olurlar.

Ülkər XASPOLADOVA,
“Azərbaycan”

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video