14 Iyun 2024 14:36
492
İQTİSADİYYAT
A- A+

Azərbaycanda günəş enerjisi istehsalı 8 dəfə artıb

 

Cari ilin yanvar-may ayları ərzində respublikada elektrik enerjisinin istehsalı 5,5 faiz azalaraq 11 milyard 231,4 milyon kilovat-saat olub.

Energetika Nazirliyindən AZƏRTAC-a bildirilib ki, bu dövrdə elektrik enerjisi istehsalı İES-lərdə 9 milyard 685,6 milyon kilovat-saat, SES-lərdə keçən ilin müvafiq dövrünə nisbətən 525 milyon kilovat-saat artımla 1 milyard 197,3 milyon kilovat-saat, digər mənbələr üzrə isə ötən ilin müvafiq dövrü ilə müqayisədə 189,4 milyon kilovat-saat artımla 348,5 milyon kilovat-saat təşkil edib. Beş ay ərzində külək elektrik stansiyalarında 26,3 milyon kilovat-saat, günəş elektrik stansiyalarında ötən ilin müvafiq dövrünə nisbətən 181 milyon kilovat-saat və ya 8 dəfə artımla 206,5 milyon kilovat-saat, Bərk Məişət Tullantılarının Yandırılması Zavodunda isə 115,7 milyon kilovat-saat elektrik enerjisi istehsal edilib.

Hesabat dövründə elektrik enerjisinin istehsalı “Azərenerji” ASC üzrə 9 milyard 900,6 milyon kilovat-saat (İES-lərdə 8 milyard 789,5 milyon kilovat-saat, SES-lərdə 1 milyard 111,1 milyon kilovat-saat), Naxçıvan Muxtar Respublikası Dövlət Energetika Xidməti üzrə 177,3 milyon kilovat-saat (İES-lərdə 73,9 milyon kilovat-saat, SES-lərdə 79,2 milyon kilovat-saat, Günəş ES-də 24,2 milyon kilovat-saat), “Azərişıq” ASC üzrə külək elektrik stansiyalarında 19,2 milyon kilovat-saat, müstəqil elektrik stansiyaları üzrə isə 1 milyard 134,3 milyon kilovat-saat təşkil edib.

Yanvar-may ayları üzrə elektrik enerjisinin ixracı 2,9 dəfə azalaraq 426,8 milyon kilovat-saat, idxalı isə 1,6 dəfə artaraq 80,9 milyon kilovat-saat olub.

Qeyd edək ki, 2024-cü ilin may ayında respublika üzrə elektrik enerjisinin istehsalı 1,71 faiz azalaraq 1 milyard 999,5 milyon kilovat-saat olub. Bu ayda elektrik enerjisinin ixracı 2,1 dəfə artaraq 20,4 milyon kilovat-saat, idxalı isə 2 dəfə artaraq 19 milyon kilovat-saat təşkil edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video