11 Dekabr 2023 18:49
210
CƏMİYYƏT
A- A+

Aqrar Sığorta Fondunun nümayəndələri Sabirabadda fermerlərlə görüşüblər  

 

Aqrar Sığorta Fondu əkin sahələri və heyvandarlıq təsərrüfatlarının sığortalanması ilə bağlı maarifləndirmə tədbirlərini davam etdirir.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, növbəti tədbir Aqrar Sığorta Fondu və Sabirabad Rayon İcra Hakimiyyətinin təşkilatçılığı ilə keçirilib. “Dayanıqlı fermer fəaliyyəti üçün aqrar sığorta” mövzusunda keçirilən tədbirdə Sabirabad rayonunda kənd təsərrüfatının müxtəlif sahələrində çalışan fermerlər iştirak ediblər.

Görüşdə Sabirabad rayonunda aqrar sığortanın əhəmiyyəti, faydaları və fermerlər üçün üstünlükləri barədə məlumat verilib.

Tədbirdə çıxış edən Sabirabad Rayon İcra Hakimiyyəti başçısının birinci müavini Həsən Həsənov rayonda böyük həcmdə suvarılan əkin sahələrinin, taxıl və pambıq əkinlərinin, eləcə də çoxsaylı heyvandarlıq təsərrüfatlarının olduğunu qeyd edib. Bildirib ki, fermer və sahibkarlar öz təsərrüfatlarını qorumalı, bunun üçün dövlətin əlverişli şərtlərlə təqdim etdiyi aqrar sığorta ilə təsərrüfatlarını sığorta etməlidirlər.

Aqrar Sığorta Fondunun idarə heyətinin üzvü Roman Əmircanov qeyd edib ki, aqrar sığorta dövlətin fermerlərə mühüm dəstək mexanizmidir və aqrar sığorta haqqının 50 faizini fermerlərə dəstək üçün dövlət ödəyir. 2023-cü ildə müşahidə olunan qeyri-sabit hava şəraiti, sel və daşqınlar səbəbindən sığorta hadisələri kəskin artıb və Aqrar Sığorta Fondu bununla bağlı ödənişlərə başlayıb.

Tədbirdə aqrar sığorta vasitəsilə əkin sahələri və heyvanların sığortalanması, hadisə baş verərkən ödəniş prosesinin detalları ilə bağlı geniş məlumat verilib.

Sabirabad Dövlət Aqrar İnkişaf Mərkəzinin direktoru Heydər Yaqubov rayonda aqrar sığortanın tətbiqi və ondan istifadə ilə bağlı təkliflərini bildirib.

Müzakirələr zamanı fermerlər pambıq əkinlərinə dəyən zərər, onun ödənişi, gələcəkdə pambıq sahələrinin daha geniş risklərdən sığorta olunması ilə bağlı sual və təkliflərini səsləndiriblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video