25 Yanvar 2024 10:50
28437
Oxucu məktubları
A- A+

Yeni məktəb binasının istifadəyə veriləcəyi günü səbirsizliklə gözləyirik

 

Vəlvələ kəndi Qubanın böyük kəndlərindəndir. Amma son vaxtlaracan kəndin müasir məktəb binası yox idi.  
Köhnə məktəb binasının isə maraqlı tarixi var. Ötən əsrin 40-50-ci illərində tikilən Samur-Dəvəçi kanalının işçiləri üçün yataqxana tipli 16 otaqdan ibarət 2 korpuslu birmərtəbə bina inşa olunmuşdu. 70-ci illərdə Vəlvələ natamam məktəb həmin binaya köçmüş, 1980-ci ildən isə həmin məktəbə tam orta məktəb statusu verilmişdir. 
Son illərədək valideyn və müəllim heyətinin birgə fəaliyyəti nəticəsində şəhid Çingiz Mursalov adına Vəlvələ kənd tam orta məktəbini hər il birtəhər təmir edib dərslərimizi keçirdik. Amma ötən il məktəb tam yararsız hala düşdü. Çürüyən döşəməsi və uçulan tavanı təhlükə mənbəyi idi. 
Həmin dövrdən yeni məktəbin inşasına start verildi. Hazırda tikintisi başa çatmaq üzrə olan yeni məktəb binası dövlətimizin vəlvələlilərə hədiyyəsidir. Bu gün kəndimizdə zirzəmi qatı ilə birlikdə üçmərtəbəli, 50 otaqdan ibarət məktəb binası inşa edilir.  Yeni binada  hər fənnin ayrıca kabineti, laboratoriyası, idman və  akt zalı olacaq. 342 şagirdin təhsil alacağı yeni binada 32 müəllim və 11 nəfər texniki işçi fəaliyyət göstərəcək. Hazırda istilik və havalandırma sistemləri quraşdırılır.
Kənd əhalisi yeni məktəbin istifadəyə veriləcəyi günü səbirsizliklə gözləyir. Məktəbin valideyn komitələri hər dərs həftəsinin sonunda tikintidə çalışanların yanına gəlir, məktəb ərazisinin təmizlənməsinə kömək edirlər. 
Ümumiyyətlə, vəlvələlilər təhsilə önəm verən insanlardır. Köhnə, dağılmış məktəbdən çıxan neçə şagird ali təhsil alıb, onlardan bəziləri hazırda məktəbimizdə  müəllim kimi fəaliyyət göstərir. 

İsmayıl FƏRZƏLİYEV,
Quba rayon Ç.Mursalov adına Vəlvələ kənd tam orta məktəbin direktoru

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video