21 Fevral 2024 19:28
298
DÜNYA
A- A+

Volodimir Zelenski Polşa ilə sərhəddəki vəziyyətlə bağlı göstərişlər verib

 

Ukrayna Prezidenti Volodimir Zelenski fevralın 21-də selektor konfransı keçirib. Konfransda əsasən polşalı fermerlər tərəfindən Ukrayna ilə sərhədin bağlanması məsələsi müzakirə edilib.

AZƏRTAC xəbər verir ki, bu barədə Zelenski Telegram səhifəsində yazıb.

Konfrans zamanı sərhəddə yaranmış vəziyyət ətraflı təhlil olunub və Ukraynanın növbəti addımları müəyyənləşdirilib.

“Avropa İttifaqı ilə ticarətin liberallaşdırılması davam etməlidir və mən Avropa Komissiyasının aydın mövqeyinə görə minnətdaram. Bizim birliyimiz həm də ümumi təhlükəsizlik və Rusiyanın təcavüzü ilə təhdid edilən bütün ölkələrin təhlükəsizliyi naminə güclü olmalıdır. Situasiya maraqlarının birliyi sarsıtmağa haqqı yoxdur”, - deyə prezident qeyd edib.

Zelenski əlavə edib ki, konfransda cəbhədəki vəziyyət də müzakirə olunub.

“Müdafiə naziri Rustem Umerovun tədarüklərə dair ətraflı məruzəsi dinlənilib. Döyüş sursatı, silahlar, elektron döyüş sistemləri, pilotsuz uçuş aparatlarının gətirilməsi müzakirə edilib. Ərazilər üzrə vəziyyət haqqında Baş komandan Aleksandr Sırskinin, Müdafiə Nazirliyinin Baş Kəşfiyyat İdarəsinin və Xarici Kəşfiyyat Xidmətinin məruzələri dinlənilib”, - deyə Ukrayna Prezidenti bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video