10 Aprel 2024 08:45
745
Elm və texnika
A- A+

Türkiyəli alimin elmi seminarları dinlənilib

 

Azərbaycan İlahiyyat İnstitutu (Aİİ) və "İdrak" İctimai Birliyinin birgə təşkilatçılığı ilə tələbələr üçün təşkil olunan silsilə seminarlar yekunlaşıb. Aİİ-də keçirilən seminarlarda Mərmərə Universiteti Yaxın Şərq və İslam Ölkələri İnstitutunun müəllimi Ravza Altuntaş Çakır məruzə edib.
Beş gün müddətində davam edən seminarlarda Mərmərə Universiteti Yaxın Şərq və İslam Ölkələri İnstitutunun müəllimi Ravza Altuntaş Çakır "Plüralizm, müxtəliflik və birgəyaşayış zərurəti: müasir problemlərə dair müzakirə", "Postislamizmə doğru? Qloballaşma və müsəlman siyasəti", "İslam və müasirlik", "Dünyəvilik və İslam təsnifatları: İslam filosoflarının sekulyarizasiyaya dair fikirləri", "İslam ənənəsi və siyasi fəlsəfə" və "Müasir müsəlman düşüncəsində əsas tendensiyalar" mövzularında məruzələr edib. 
İnteraktiv şəkildə təşkil olunan seminarlarda islam siyasi düşüncə tarixinin inkişaf prosesi, müasir dövrdəki vəziyyəti və müxtəlif tendensiyalarla bağlı Aİİ tələbələrinin sualları cavablandırılıb. Sonda məruzəçi Ravza Altuntaş Çakıra təşəkkürnamə və hədiyyələr təqdim olunub.
Qeyd edək ki, ali təhsil müəssisəsi tələbələrin dünyagörüşlərinin zənginləşdirilməsi, yüksəkixtisaslı kadrlar kimi yetişmələri üçün biliklərinin artırılması məqsədilə müxtəlif mövzularda elmi seminarların təşkilinə önəm verir.

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video