18 Mart 2023 12:37
320
DÜNYA
A- A+

Türkiyədə prezident və parlament seçkiləri kampaniyası başlayır

 

Bu gün Türkiyədə prezident və parlament seçkiləri üzrə kampaniyaya start verilir.

AZƏRTAC TRT telekanalına istinadla xəbər verir ki, Ali Seçki Şurası (MSK) seçki təqvimini təqdim edib. MSK-nın qərarına əsasən, prezidentliyə namizədliyin irəli sürülməsi prosesi martın 19-dan 23-dək davam edəcək. Namizədlərin siyahısı martın 31-də dərc olunacaq və bundan sonra onlar rəsmən seçki təbliğatına başlaya biləcək.

Seçkilərdə iştirak edəcək partiya və koalisiyalar namizədlərinin siyahısını martın 24-ü, günün sonuna qədər MSK-ya təqdim olunmalıdır.

Hakim partiyanın prezidentliyə namizədi Rəcəb Tayyib Ərdoğandır. Onun əsas rəqibi müxalif Cümhuriyyət Xalq Partiyasının lideri Kemal Kılıçdaroğlu sayılır. Analitiklər qalibin müəyyənləşdirilməsi üçün seçkilərin ikinci turunun keçiriləcəyini istisna etmirlər.

Eyni zamanda, daha bir neçə siyasətçi seçkilərdə iştirak etmək barədə qərar qəbul edib. Onların arasında Məmləkət partiyasının sədri Muharrem İnce, ATA partiyasının lideri Sinan Oğan, seçkiöncəsi “Türkiyə” blokunun rəhbəri, ölkənin sabiq prezidenti Turgut Özalın oğlu Ahmet Özal da var.

 

Seçkilər haqqında

Prezident seçkilərinin ilk turunda qalib gəlmək üçün namizəd 50 faizdən çox səs toplamalıdır. Əks halda ilk turda ən çox dəstək alan iki namizədin iştirakı ilə ikinci tur təyin olunacaq. İkinci turda daha çox səs qazanan namizəd beş il müddətinə Türkiyə prezidenti seçiləcək. Parlament seçkilərində ən azı beş faiz səs toplayan partiyalar və alyanslar prezident postuna namizəd irəli sürə bilər. Müstəqil namizədlər isə bunun üçün 100 min imza toplamalıdır.

Xatırladaq ki, 2018-ci il iyunun 24-də keçirilən seçkiləri 52,6 faiz səslə Rəcəb Tayyib Ərdoğan qazanmışdı.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video