12 Fevral 2024 18:47
224
DÜNYA
A- A+

Tramp yenidən prezident seçilsə, milyonlarla qanunsuz miqrant deportasiya olunacaq

 

Donald Tramp ABŞ-da keçiriləcək növbəti prezident seçkilərində qalib gələcəyi təqdirdə milyonlarla qanunsuz mühaciri deportasiya etmək niyyətindədir.

AZƏRTAC xəbər verir ki, Axios portalının adı açıqlanmayan mənbəyə istinadla verdiyi məlumata görə, Donald Tramp deportasiya planının həyata keçirməsinə həm federal, həm də yerli hüquq-mühafizə orqanlarının, o cümlədən İmmiqrasiya Xidmətinin, Federal Təhqiqatlar Bürosunun, Narkotiklərlə Mübarizə İdarəsinin və prokurorluğun nümayəndələrini cəlb etmək istəyir.

Bu proses ABŞ-ın immiqrasiya qanununun mübahisəli maddələri, o cümlədən 1930-cu illərdə meksikalıları zorla repatriasiya etməyə icazə verən müddəalar əsasında həyata keçiriləcək. Beləliklə, ABŞ-da yaşayan 4 milyona yaxın meksikalı, həmçinin ölkəyə qeyri-qanuni yollarla daxil olan təxminən 2,2 milyon Mərkəzi Amerika vətəndaşı deportasiya oluna bilər.

Donald Tramp yenidən seçiləcəyi halda ilk növbədə ABŞ sərhədlərini bağlamaq və qeyri-qanuni mühacirləri ölkədən çıxarmaq niyyətində olduğunu dəfələrlə bildirmişdi. O, eyni zamanda, Birləşmiş Ştatların cənub sərhədindəki vəziyyətdən narahatlığını ifadə etmiş və rekord mühacir axını ilə bağlı ölkədə terror aktlarının artacağını proqnozlaşdırmışdı.

Bu arada ABŞ-ın cənub ştatları ilə mərkəzi hakimiyyət arasında gərginlik artmağa davam edir. Texas Milli Qvardiyası federal sərhəd xidmətinin əməkdaşlarını Rio-Grande çayı boyunca Meksika ilə sərhədin təxminən 4 kilometrlik hissəsinə buraxmayıb. Ştatın hakimiyyət orqanları Ağ evin sərhədi lazımi şəkildə qorumadığını və bunun qanunsuz mühacir axınının artmasına səbəb olduğunu bəyan edirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video