26 Fevral 2024 22:01
268
SİYASƏT
A- A+

“The Manila Tines” qəzeti Xocalı soyqırımından yazır

 

Xocalı soyqırımının 32-ci ildönümü ilə əlaqədar Azərbaycanın İndoneziyadakı səfirliyinin müşaviri Leyla Atayevanın Filippinin nüfuzlu “The Manila Times” qəzetində “Xocalı soyqırımı: İnsanlığa qarşı cinayət” adlı məqaləsi dərc edilib.

Səfirlikdən AZƏRTAC-a bildiriblər ki, məqalədə hər il fevral ayının 26-da Azərbaycan xalqının erməni silahlılarının 1992-ci ildə Xocalı şəhərində qətlə yetirdikləri insanların xatirəsini yad etdiyi bildirilir.

Ermənistanın Azərbaycana qarşı onilliklər boyu davam edən təcavüzü zamanı Xocalı şəhərində dinc əhaliyə qarşı törədilmiş soyqırımının insanlıq əleyhinə həyata keçirilmiş ən ağır cinayətlərdən, eləcə də Azərbaycan tarixinin ən faciəli səhifələrindən birinə çevrildiyi qeyd olunur. Yazıda 1992-ci il fevralın 25-dən 26-na keçən gecə erməni millətçilərinin bütün beynəlxalq hüquq normalarını pozaraq, mühasirədə olan Xocalı şəhərinin dinc əhalisinə ağır hərbi texnika ilə hücum etdiyi, onları misli görünməmiş vəhşiliklə qətlə yetirdiyi və şəhəri yerlə-yeksan etdiyi bildirilir.

Xocalı faciəsinin bir çox ölkələrin parlamenti tərəfindən soyqırımı kimi qəbul edildiyi, hazırda 17 dövlətin və ABŞ-ın 20-dən çox ştatının Xocalı soyqırımını tanıdığı qeyd olunur. Digər ölkələrin də ədalətin müdafiəsinə qalxması, insanlığa qarşı törədilmiş bu soyqırımına layiqli hüquqi və siyasi qiymət verməsinin vacibliyi bildirilir.

Məqalədə Xocalı soyqırımının təkcə mülki azərbaycanlılara qarşı deyil, həm də bəşəriyyətə qarşı törədilmiş cinayət olmasının bütün dünyanın dərk etməsinin əhəmiyyəti vurğulanır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video