24 May 2024 17:00
441
DÜNYA
A- A+

Olimpiada ərəfəsində Eyfel qülləsinə biletlər bahalaşacaq

 

Fransanın paytaxtı Paris şəhərində Eyfel qülləsinin administrasiyası iyunun 17-dən bu attraksiona baş çəkmək üçün biletlərin qiymətini 20% artırmaq niyyətindədir.
Bu barədə “Le Parisien” qəzeti xəbər verir.
Beləliklə, böyüklər liftlə yuxarı müşahidə göyərtəsinə indiki 29,40 avro əvəzinə 35,30 avroya çıxa biləcək, 12-14 yaşlı yeniyetmələr üçün tarif 14,70 avrodan 17,70 avroya, 4 yaşdan 11 yaşa qədər uşaqlar üçün - 7,40 avrodan 8,90 avroya qədər yüksələcək.
Ən ucuz - pilləkənlə ikinci mərtəbəyə qalxmaq üçün bilet 10 avrodan 14,20 avroya qədər bahalaşacaq.
Qiymət artımı cəmiyyətin pandemiya ilə əlaqədar yaşadığı maliyyə problemləri ilə bağlıdır. Belə ki, 2020-ci ildən 2022-ci ilə qədər əməliyyat itkiləri təxminən 113 milyon avro təşkil edib. 2023-cü ildə ziyarətçilərin sayı 2019-cu ilin pandemiyadan əvvəlki səviyyəyə (6 milyon nəfər) yaxınlaşsa da, abidənin rəhbərliyi hələ də maliyyə çətinlikləri yaşayır.
2024-cü ilin fevral ayında qüllə işçiləri tətilə çıxıblar və Eyfel qülləsinin istismarı cəmiyyətini Olimpiya Oyunları zamanı tətillərlə hədələyiblər.

 “Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video