21 Fevral 2024 14:06
311
İQTİSADİYYAT
A- A+

Gələn ay Ağdamda daha bir yaşayış məhəlləsinin inşasına başlanılacaq

 

Ağdamın Baş Qərvənd kəndində “ağıllı kənd” layihəsi icra olunacaq. Layihənin icrası Slovakiyalı mütəxəssislərlə birgə aparılacaq.

AZƏRTAC xəbər verir ki, bunu Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Prezidentinin xüsusi nümayəndəsinin müavini Bəşir Hacıyev "Qarabağ bölgəsində su və kanalizasiya infrastrukturunun yenidən qurulması" mövzusunda keçirlən konfransda çıxışı zamanı deyib.

O qeyd edib ki, 2026-cı ilə qədər Qarabağ iqtisadi rayonu üzrə Ağdamda bir şəhər 12 kənd, Füzulidə 1 şəhər, 10 kənd, Xocavənd, Hardrut qəsəbəsi, Tuğ və ətraf kəndlər layihələndirilərək bir qisminin artıq başlanan tikinti işləri davam etdiriləcək, digər hissəsində isə layihə işləri tamamlanacaq.

“Hazırda Ağdamda 3 kəndin inşası gedir. Bunlar Sarıcalı, Xıdırlı və Kəmgərli kəndləridir. Cari ilin sonuna kimi işlərin ikinci mərhələsinin yekunlaşdırılması nəzərdə tutulub. 2025-ci ildə isə həmin əraziyə əhalinin köçürülməsi planlaşdırılıb. Növbəti ay Ağdamda bir yaşayış məhəlləsinin də inşasına başlanılması nəzərdə tutulub. Burada təkcə yaşayış yerləri deyil, digər infrastruktur işləri də paralel davam etdirilir", - deyə Bəşir Hacıyev bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video