27 Fevral 2024 17:41
257
İDMAN
A- A+

FIFA prezidenti Bakıda təşkil edəcəkləri turnirlə bağlı danışıb


FIFA prezidenti Canni İnfantino qurumun martda təşkil edəcəyi turnirlərlə bağlı fikirlərini bölüşüb.
"Report"un məlumatına görə, funksioner FIFA Seriyası adlanan yarışın milli komandalar üçün qlobal səviyyədə irəliyə doğru müsbət addım olduğunu bildirib.
"Üzv assosiasiyalarımız uzun müddətdir ki, dünyanın hər yerindən olan həmkarlarına qarşı özlərini sınamaq istədiklərini bizə deyirlər. Hazırda bunu beynəlxalq matç təqvimi çərçivəsində edə bilərlər. Daha mənalı oyunlar futbolçular, komandalar və azarkeşlər üçün qarşılıqlı əlaqəni təmin edəcək və oyunun inkişafına töhfə verəcək", - İnfantino vurğulayıb.
Qeyd edək ki, martda Əlcəzair, Azərbaycan, Səudiyyə Ərəbistanı və Şri Lankada turnir gerçəkləşəcək. Bakıdakı yarışda millimizlə yanaşı, Monqolustan, Tanzaniya və Bolqarıstan mübarizə aparacaq. Yığma Monqolustan və Bolqarıstan kollektivləri ilə üz-üzə gələcək. 

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video