25 Yanvar 2024 10:45
27016
Oxucu məktubları
A- A+

Bu günləri çox gözləmişdik

 

Mən Xankəndinin Kosalar kəndində anadan olmuşam. 1976-cı ildə Azərbaycan Kənd Təsərrüfatı Akademiyasını (indiki Aqrar Universiteti) bitirdikdən sonra 1988-ci ilə kimi Xankəndidə müxtəlif vəzifələrdə çalışmışam. 
Günlərin birində öz əllərimlə tikdiyim evimi qoyub, ailəmi də götürüb Tərtərdə məskunlaşmaq məcburiyyətində qaldım. Ermənilər bizi zorla isti yuvamızdan qovdular.  O gündən hər gecə evimizi yuxularımda görürdüm. Bu,  çox ağır bir hissdir. İndi, çox şükür ki, bütün bunlar arxada qalıb. Doğma Qarabağımız, doğulduğum kənd  və yaşadığım şəhər azaddır! 
Bu günlər oğlum Aslanla birlikdə Xankəndidə olduq, evimizi gördüm. Ermənilər buranı da pis günə qoyublar. Bununla belə, sevincimizin  hədd-hüdudu yoxdur. Biz artıq məcburi köçkün deyilik, tezliklə evimizə, yurdumuza qayıdacağıq. 

Tahir SÜLEYMANOV, 
Tərtər rayonu

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video