25 Aprel 2024 12:43
207
CƏMİYYƏT
A- A+

Bu gün dünyada dörd əlamətdar gün qeyd olunur  

 

Bu gün bütün dünyada müxtəlif sahələrə aid dprd əlamətdar gün qeyd olunur. AZƏRTAC həmin günləri təqdim edir.

Ümumdünya Malyariya Günü

Ümumdünya Səhiyyə Təşkilatı tərəfindən 2007-ci ilin may ayında təsis edilib, 2008-ci ildən etibarən hər il qeyd olunur. O, tropiklərə endemik olan təhlükəli xəstəlik olan malyariya ilə mübarizə üzrə qlobal səylərin təşviqinə həsr olunub.

Bu il əlamətdar gün “Sağlamlıq bərabərliyi, gender və insan hüquqları” mövzusunda qeyd edilir. Bu mövzu hamilə qadınlar və uşaqlar kimi xəstəlikdən ən çox təsirlənən şəxslər üçün malyariya ilə mübarizə haqqında məlumatlılığın artırılmasına xidmət edir və malyariya-endemik şəraitdə icmaların üzləşdiyi çoxsaylı problemləri, məsələn, səhiyyə xidmətlərinə çıxış və iqlim dəyişikliyi fonunda yaranan təhlükələri vurğulayır.

Ümumdünya Pinqvin Günü

Hər il keçirilən ekoloji bayram insanları ümumilikdə planetimizin heyvan rəngarəngliyini, xüsusən də onun ayrı-ayrı regionlarının və nümayəndələrinin müxtəlifliyini qoruyub saxlamağın zəruriliyini xatırlamağa sövq edir. Antarktidanın kəşfindən sonra insanlar tərəfindən pinqvinlərin məhv edilməsi görünməmiş həddə çatıb, lakin bu quşların bir neçə növü nəsli kəsilmək təhlükəsi altında olsa da, indi onların populyasiyası bərpa edilib.

Beynəlxalq Nümayəndələr Günü

2019-cu ildə BMT-nin beynəlxalq gün və mərasimlərin təqviminə əlavə olunub və ilk dəfə 2020-ci ildə qeyd edilib. BMT Baş Assambleyası çoxtərəfli diplomatiyanın həyata keçirilməsində, səmərəli çoxtərəfliliyin təşviqində və BMT-nin əsas məqsədlərinə nail olunmasında, məsələn, beynəlxalq sülhün və təhlükəsizliyin qorunub saxlanılmasında, onun təmin edilməsində nümayəndə heyətlərinin rolunu vurğulamaq üçün 25 apreli Beynəlxalq Nümayəndələr Günü elan edib. Əsas məqsədlər arasında insan hüquq və azadlıqlarına hörməti inkişaf etdirmək, bütün xalqların sosial və iqtisadi inkişafına kömək etmək yer alıb.

Beynəlxalq DNT Günü

1953-cü il aprelin 25-də “Nature” elmi jurnalında alimlər Ceyms Uotson və Frensis Krikin Moris Uilkins və Rozalin Franklinlə birlikdə DNT molekulunun quruluşu ilə bağlı tədqiqatın nəticələrini dərc etməsinin xatirəsinə qeyd olunur. Bu əlamətdar gün, əsasən, müvafiq elmi icma tərəfindən bayram edilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video