10 Yanvar 2012 12:01
772
Təhsil
A- A+

Azərbaycanlı tələbə Türkiyədə rezidentura imtahanında xarici tələbələr arasında ən yüksək nəticə göstərmişdir

 

Azərbaycanlı tələbə Türkiyədə rezidentura imtahanında xarici tələbələr arasında ən yüksək nəticə göstərmişdir.

Həmyerlimiz Asif Arif oğlu Səlimov 1987-ci ildə Bakıda anadan olmuşdur. Orta təhsilinin ilk üç ilini Azərbaycanda tamamladıqdan sonra 9 yaşında ikən - 1996-cı ildə atası, professor Arif Səlimovun Türkiyənin Atatürk Universitetində işə dəvət olunması ilə əlaqədar bu ölkədə yaşamağa başlamışdır. 

A.Səlimov Anadolu liseyini bitirdikdən sonra 2005-ci ildə Türkiyə ali məktəblərində təhsil almaq istəyən abituriyentlərin Bakıda keçirilən imtahanında (TCS) tibb fakültəsini seçənlər arasında birinci yer tutaraq Hacəttəpə Universitetinə daxil olmuşdur. Universitetə daxil olduqdan sonra ingilis dili imtahanını da müvəffəqiyyətlə verərək birillik ingilis dili hazırlığı kursunda oxumadan birbaşa tibb təhsilinə başlamaq hüququ qazanmışdır. Dördüncü kursda ilin ən uğurlu tələbəsinə verilən daxili xəstəliklər üzrə "Professor Şərəf Zirəli" plaketinə layiq görülmüşdür.

Asif Səlimov təhsilini 2011-ci ilin iyununda müvəffəqiyyətlə başa vurduqdan sonra həmin il sentyabrın 25-də keçirilən rezidentura imtahanında Türkiyədə tibb sahəsində təhsil alan xarici tələbələr arasında həm baza, həm də klinik elmlər üzrə ölkə birincisi olmuşdur. Həmvətənimiz bu nəticə ilə Hacəttəpə Universitetinin tibb fakültəsi xəstəxanasında qulaq-burun-boğaz xəstəlikləri üzrə ayrılmış yeganə yerə qəbul olunmuş, hazırda orada təhsilini davam etdirir.

Həmyerlimiz deyir ki, rezidentura imtahanı sentyabrda keçirildiyinə görə dövlət proqramına keçmək üçün bir il gözləmək məcburiyyətindədir. Çünki dövlət proqramına müraciət avqustun sonunda bitir. Buna görə də 2012-ci ilin sentyabrından etibarən dövlət proqramına keçərək təhsilimə davam edəcəyəm.

Təhsil aldığı müddətdə ona verilən dəstəyə görə Azərbaycan dövlətinə və Türkiyə hökumətinə hər zaman minnətdarlıq hissi duyduğunu bildirən Asif Səlimov gələcək arzuları ilə bağlı deyir: "Təhsilimi başa vurduqdan sonra Azərbaycana qayıdıb yüksək ixtisaslı həkim kimi xalqıma xidmət etmək istəyirəm".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video