02 Dekabr 2020 19:35
545
SİYASƏT
A- A+

İspaniyanın hakim “PSOE” partiyasının nümayəndəsi Azərbaycan ərazilərinin işğaldan azad edilməsi barədə məlumatlandırılıb


Azərbaycanın İspaniyadakı səfiri Anar Məhərrəmov bu ölkənin hakim İspaniya Sosialist və İşçi Partiyasının parlamentdəki nümayəndəsi, Deputatlar Konqresinin Xarici işlər komitəsinin sədri Pau Mari Kloseni Azərbaycan ərazilərinin işğaldan azad edilməsi barədə ətraflı məlumatlandırıb.

AZƏRTAC xəbər verir ki, görüşdə Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə sentyabrın 27-dən başlayaraq özünümüdafiə hüququ çərçivəsində və beynəlxalq humanitar hüquqa tam riayət etməklə əks-hücum və cavab tədbirləri həyata keçirmiş şanlı Azərbaycan Ordusunun 44 günlük döyüşlərdə parlaq qələbə qazanaraq, işğal altındakı torpaqlarımızı azad etdiyi qeyd olunub.

Bildirilib ki, Ermənistan silahlı qüvvələrinin Azərbaycanın işğal olunmuş ərazilərindən çıxarılmasını özündə şərtləndirən, Azərbaycan və Rusiyanın prezidentləri, Ermənistanın baş naziri tərəfindən imzalanmış birgə bəyanata uyğun olaraq, Ermənistan qoşunları noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonlarından çıxarılıb, beləliklə, Azərbaycan bütün ərazisində suverenliyini bərpa edib.

Qeyd olunub ki, Azərbaycan ərazilərini tərk edən Ermənistan qoşunları və əhalisi bu zaman vandalizm aktları həyata keçirib. Yaşayış məskənlərinin, habelə ağ fosfordan istifadə edilməklə meşələrin yandırılması, flora və faunanın məhv edilməsi ilə Ermənistanın növbəti dəfə Azərbaycana qarşı ekoloji cinayətlər törətməsi, qanunsuz arxeoloji qazıntılar apararaq aşkar olunmuş nadir nümunələrin Ermənistana daşınması, işğal olunmuş ərazilərdə Azərbaycanın maddi-mədəni irsinin talan edilməsi barədə faktlar qarşı tərəfin diqqətinə çatdırılıb.

Xüsusi olaraq vurğulanıb ki, Azərbaycanın işğaldan azad olunmuş ərazilərində Ermənistan tərəfindən sosial-iqtisadi infrastruktura, tarixi-mədəniyyət və dini abidələrinə, ətraf mühitə, fərdi və çoxmənzilli yaşayış evlərinə vurulmuş külli miqdarda maddi zərər beynəlxalq ekspertlər tərəfindən qiymətləndiriləcək və Ermənistanın məsuliyyətə cəlb olunaraq Azərbaycan tərəfinə təzminatın ödənilməsinin təmin edilməsi məqsədilə beynəlxalq tribunala müraciət ediləcək.

Diqqətə çatdırılıb ki, 28 ildir Ermənistanın işğalı altında olan Azərbaycan torpaqlarının azad edilməsi ilə regionda sülh və sabitlik bərqərar olub, düşmən tərəfindən vandalizmə məruz qalmış ərazilərimiz yeni quruculuq və inkişaf dövrünə qədəm qoyub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video