15:57 21 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“Xankəndi necə Stepanakert oldu” videoçarxı Özbəkistan və Qırğızıstan portallarında
ANA SƏHİFƏ / MƏDƏNIYYƏT
13:26 29.11.2020

Özbəkistanın "interpress.uz” və Qırğızıstanın "turktoday.info” portalları Azərbaycan Dövlət Tərcümə Mərkəzinin müxtəlif xarici dillərdə hazırladığı "Xankəndi necə Stepanakert oldu” videoçarxını və onun mətnini öz oxucularına təqdim edib.

AZƏRTAC xəbər verir ki, portallarda Xankəndinin tarixi haqqında məlumat verilir, Rusiya və İran arasında 1828-ci ildə bağlanan Türkmənçay müqaviləsindən, bu sənədə əsasən, ermənilərin Dağlıq Qarabağa köçürülməsindən danışılır.

Videoçarxda bildirilir ki, 1752-ci ildə Şuşa şəhərinin əsasını qoyan Qarabağ xanı Pənahəli xanın oğlu İbrahimxəlil xan Şuşa dağının ətəyində, səfalı yerdə özünə yay iqamətgahı tikdirir və həmin ərazi İbrahimxəlil xanın adıyla Xankəndi adlandırılır. Sonradan İbrahimxəlil xanın oğlu Mehdiqulu xan ailəsinin və yaxın qohumlarının qış aylarını keçirdiyi Xankəndini sevimli xanımı Pəricahan bəyimə hədiyyə edir.

Vurğulanır ki, 1805-ci ildə imzalanan Kürəkçay və 1813-cü il tarixli Gülüstan müqaviləsindən sonra Qarabağ Xanlığı Rusiya imperiyasına birləşdirilir və Xankəndinə rus hərbi süvari korpusu yerləşdirilir.

Qeyd olunur ki, 1828-ci il fevralın 10-da imzalanan Türkmənçay müqaviləsindən sonra bu əraziyə İran və Türkiyədən çoxlu erməni ailəsi köçürülür, məkanın adı Xankəndi olaraq qalır.

Bildirilir ki, ancaq 1923-cü ildə o zaman Azərbaycanın rəhbəri olan Sergey Mironoviç Kirovun göstərişi ilə Stepan Şaumyanın şərəfinə şəhər Stepanakert adlandırılır.

Videoçarxda 44 günlük Vətən müharibəsi haqqında da məlumat verilir, torpaqlarımızın azad edilməsindən danışılır.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM