22:03 12 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İran mətbuatı Prezident İlham Əliyevin Ağdamın azad olunması ilə əlaqədar xalqa müraciətinə geniş yer ayırıb
ANA SƏHİFƏ / SİYASƏT
17:07 21.11.2020

Azərbaycan Prezidenti İlham Əliyevin Ağdam rayonunun işğaldan azad edilməsi münasibətilə xalqa müraciəti İran mətbuatının diqqət mərkəzində olub.

AZƏRTAC xəbər verir ki, İRNA, Mehr, İSNA, İLNA, "Tasnim news”, "Fars news” və digər media orqanlarında dərc olunan materiallarda Prezident İlham Əliyevin İran haqqında dediyi fikirlərə xüsusilə toxunulub.

Qeyd olunub ki, Azərbaycan Prezidenti İranı dost və qardaş dövlət adlandıraraq, rəsmi Tehranın İran üzərindən Ermənistana silah göndərilməsinin qarşısını aldığını bildirib.

Materiallarda qeyd olunub ki, Azərbaycan beynəlxalq qanunları rəhbər tutaraq işğal altındakı Qarabağı azad edib.

Qeyd edək ki, sosial şəbəkələrdə də Prezident İlham Əliyevin İranı dost və qardaş adlandırması müzakirə mövzusu olub. İran ictimaiyyəti Azərbaycanı haqlı sayır və onun Qarabağdakı qələbəsini təbrik edir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM