22 Oktyabr 2020 22:47
441
SİYASƏT
A- A+

Türkiyə parlamentində Yeni Azərbaycan Partiyası ilə Ədalət və İnkişaf Partiyası arasında əməkdaşlığın perspektivləri müzakirə olunub


Yeni Azərbaycan Partiyasının (YAP) nümayəndə heyətinin Türkiyənin hakim Ədalət və İnkişaf Partiyasının (AKP) dəvəti əsasında Ankara şəhərinə səfəri başa çatıb.

AZƏRTAC xəbər verir iki, Milli Məclisin deputatı, YAP Siyasi Şurasının üzvü, partiyanın Türkiyə və AKP üzrə əlaqələndirici koordinatoru Ramil Həsənin rəhbərlik etdiyi heyətə, Azərbaycan parlamentinin digər deputatı, YAP Siyasi Şurasının üzvü Ramin Məmmədov daxil olub.

Səfərin sonuncu günü Türkiyə Böyük Millət Məclisində (TBMM) Yeni Azərbaycan Partiyası ilə Ədalət və İnkişaf Partiyası arasında əməkdaşlığın perspektivləri müzakirə edilib.

AKP-nin Türkiyə Parlamentindəki millət vəkilləri qrupunun başqan vəkili Cahid Özkan azərbaycanlı heyəti səmimiyyətlə salamlayaraq Azərbaycan-Türkiyə qardaşlıq münasibətlərinin tarixi köklərindən bəhs edib və hazırkı inkişaf dinamikasını yüksək dəyərləndirib. Hakim partiya deputat heyətinin rəhbəri deyib ki, Azərbaycanın adı və özü Türkiyədə hər bir vətəndaşı üçün əzizdir. Azərbaycan hər biri uğuru, xüsusilə də Milli Ordusunun rəşadətli xəbərləri ölkə ictimaiyyəti tərəfindən böyük sevgi ilə qarşılanır.

Səmimi qonaqpərvərliyə görə minnətdarlığını ifadə edən YAP deputat nümayəndə heyətinin rəhbəri Ramil Həsənin Azərbaycan-Türkiyə qardaşlıq münasibətlərinin sarsılmaz olmasının səbəbləri barədə fikir və düşüncələrini bölüşüb. Silahlı Qüvvələrimizin ərazi bütövlüyümüzün bərpası ilə bağlı həyata keçirdiyi rəşadətli addımları xalqlarımızın və ölkələrimizin gələcək ortaq təhlükəsizliyi üçün tarixi zəfər adlandırıb.

Ümummilli lider Heydər Əliyevin "Bir millət, iki dövlət!” müdrik kəlamını dəfələrlə xatırladan tərəflər diqqətə çatdırıblar ki, iki qardaş ölkənin münasibətləri bu prinsiplər üzrə günbəgün möhkəmlənərək dinamik inkişafla yüksəlir. Bu qardaşlıq münasibəti təkcə iki ölkə üçün deyil, böyük bir coğrafiyada xalqların sülh şəraitində yüksək rifahla yaşamasına fayda gətirməkdədir.

Tərəflər qeyd ediblər ki, Azərbaycan Prezidenti, YAP-ın Sədri İlham Əliyev və Türkiyə Prezidenti, AKP Sədri Rəcəb Tayyib Ərdoğan arasındakı səmimi dostluq və qardaşlıq münasibətləri dövlətlərimizin bərabər inkişafına və regionda sağlam yeni bir güc mərkəzinin formalaşmasına böyük töhfə verməkdədir. Bütün sahələri əhatə edən əlaqələr parlametlərarası müstəvidə çoxistiqamətli məcradadır. Bu sahədə münasibətlərdəki dinamikanın qorunmasında hakim Yeni Azərbaycan Partiyası ilə Ədalət və İnkişaf Partiyasının səmərəli əməkdaşlığı böyük gücə malikdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video