İşğaldan azad edilən Suqovuşan Goranboyun əkin sahələrinə həyat verir
30 ilə yaxın işğal altında olan Suqovuşan kəndinin düşməndən azad edilməsindən sonra Tərtər və Yevlax rayonları ilə yanaşı, Goranboyun torpaqlarına da yeni həyat gəlib.
Artıq Suqovuşan su anbarından buraxılan suyun nizamlanması nəticəsində minlərlə hektar əkin sahəsinin davamlı olaraq suvarılması kənd təsərrüfatında yüksək məhsuldarlığın əldə edilməsinə təminat yaradıb.
Qeyd edək ki, işğaldan əvvəl Suqovuşan su anbarından gələn su ilə Goranboy rayonunun 6938 hektar əkin sahəsi su ilə təmin edilirdi. Lakin işğaldan sonra suyun qarşısının kəsilməsi rayonda kəskin ekoloji problemlər yaratmışdı. Azərbaycan Ordusunun əks-hücum tədbirləri nəticəsində Suqovuşan kəndinin işğaldan azad edilməsi bu problemi birdəfəlik həll etdi. Hazırda anbardan buraxılan suyun nizamlanması nəticəsində Goranboyda ekoloji tarazlıq bərpa edilmişdir.
İndi rayonun ərazilərinə suyun verilməsi nəticəsində əkin sahələrinin davamlı suvarılması təmin edilmiş, bununla da kənd təsərrüfatında yüksək məhsuldarlığın əldə olunmasına və ekoloji tarazlığın bərpa edilməsinə təminat yaranmışdır. Bundan başqa, bu ərazilərə suyun öz axını ilə verilməsi ərazidə mövcud olan subartezian quyularının istifadəsinə də tələbatı azaltmışdır.
Məlumdur ki, ölkəmizin aqrar sektorunda ən ciddi problemlərdən biri suya olan tələbatın ödənilməsi ilə bağlı yaranan çətinliklərdir. Bu baxımdan Goranboy da sudan korluq çəkən rayonlar sırasındadır. Doğrudur, hər il rayonda subartezian quyuları qazılaraq istifadəyə verilmişdir. Lakin bu, su problemini qismən aradan qaldırmışdır.
Döyüş bölgəsində yerləşən Goranboyun kəndləri hazırda düşmən tərəfindən daim mərmi atəşinə məruz qalır. Çoxlu dağıntılar olmasına baxmayaraq, əhali düşmənin heç bir təxribatına əhəmiyyət vermir, gündəlik qayğıları ilə yaşayır.
Qayıdaq Suqovuşana. Eyniadlı su anbarından götürülən su rayonun əsasən Əlirzalı, Qızılhacılı, Balakürd, Boluslu və Yeniyol kəndlərindəki əkin sahələrinin suvarılmasını təmin edəcək. Sakinlərin bildirdiyinə görə, bir vaxtlar bol sulu Tərtər çayı 30 ilə yaxın düşmən işğalında qaldığı üçün torpaqlar su çatışmazlığı ucbatından əkilib-becərilmirdi. İnsanlar problemi əsasən xırda arxlardan və artezian quyularından götürdükləri su ilə aradan qaldırmağa çalışırdılar. Lakin bu, bəs etmirdi, sahələri suvarmaq üçün su çatışmazlığı vardı. Nəticədə əkilən məhsullar ya məhv olur, ya da az məhsul olurdu. Bu gün isə həmin kəndlərdə yaşayan əhalinin sevinci hədsizdir.
Qızılhacılı kəndinin sakini, fermer Afiq İsgəndərov söhbət zamanı dedi ki, indiyəcən hər il 20 hektarda pambıq, 150 hektarda taxıl, 70 hektarda yonca, 10 hektarda xəsil, 5 hektarda isə meyvə yetişdirirdi: "Əslində buna yetişdirmək demək də olmazdı. Çünki istehsal olunan məhsul çəkilən xərci güclə ödəyirdi. Ancaq başqa yol da yox idi. Mən torpaq adamıyam. Ata-babadan əkin-biçinlə məşğul olmuşam. Məhsuldarlıq az olanda gözümün qarşısına Suqovuşandakı su anbarı gəlirdi. Fikirləşirdim ki, görəsən nə vaxtsa həmin anbarın suyundan istifadə edə biləcəyəmmi. İndi şükürlər olsun. Ordumuzun şücaəti sayəsində digər strateji şəhər və kəndlər kimi Suqovuşan da işğaldan azad edilib. Mənə belə gəlir ki, bundan sonra su sarıdan korluğumuz olmayacaq. Su olan yerdə isə həyat var, məhsul var”.
Suqovuşanın suyundan istifadə edəcək kəndlərdə əhalinin sayı da çoxdur. Məsələn, Əlirzalı kəndində 1247, Qızılhacılıda 7931, Xanqərvənddə 4516, Bolusluda 3084, Yeni Yol kəndində 1744, Balakürddə isə 2 mindən çox əhali yaşayır. Demək olar ki, onların hamısının əsas məşğuliyyəti əkin-biçin və heyvandarlıqdır.
Xanqərvənd rayonda ən çox kənd təsərrüfatı məhsulları istehsal edən kəndlərdəndir. Hər il kənd sakinləri 320 hektarda buğda, 420 hektarda arpa, 940 hektarda yonca, 60 hektarda qarğıdalı, 95 hektarda günəbaxan, 20 hektarda xəsil, 10 hektarda kartof, 150 hektarda isə pambıq əkirlər. Kənd icra nümayəndəsi əvəzi Rəsul İsmayılov deyir ki, Suqovuşanın düşmən işğalında olması əkin sahələrimizi susuz qoymuşdu. Nəticədə məhsuldarlıq aşağı olurdu. İndi bütün kənd sakinləri sevinc içərisindədirlər. Artıq əkin sahələrinin suvarılmasında yaranan problem həll edilmişdir.
Xanqərvəndli fermer Rəfail Muradov, Elman Rüstəmov və başqaları gələn il məhsuldarlığın artacağına əminlik ifadə etdilər. Dedilər ki, gələn il builki göstəriciləri təzələmək üçün əlimizdə geniş imkanlar olacaq. Kəndli bilir ki, bol su bol məhsul deməkdir. Artıq bol suyumuz var. Dövlətin göstərdiyi digər imtiyazlardan da istifadə etməklə gələn il uğurlu göstəricilərə nail olacağıq.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!