Çəltik biçininin qızğın vaxtıdır
Masallı fermerlərinin bu gəlirli sahəyə maraqları ildən-ilə artır
"Holland” markalı 2 kombayn çəltik sahəsinə girib biçinə başlayır. Bu münasibətlə Masallı Rayon Dövlət Aqrar İnkişaf Mərkəzinin baş mütəxəssisi Hasil Hüseynov, Şıxlar kənd inzibati ərazi nümayəndəsi Rəşad Dadaşov, bələdiyyə sədri Elmar Məcidov və digərləri torpaq mülkiyyətçisi Zakir Xammədovu təbrik edirlər.
Fermer Z.Xammədov deyir ki, 2017-ci ildə bu sahədə ilk dəfə çəltik əkəndə çoxları işimin uğurlu olacağına inanmırdı, deyirdilər ki, zəhmətin hədər gedəcək, çəkdiyin xərci çıxara bilməyəcəksən: "Amma mən öz inadımdan əl çəkmədim. Babamdan, atamdan eşitmişdim ki, qədimdən buralarda bol çəltik yetişdirilib. Dövlətin çəltikçiliyin inkişaf etdirilməsi ilə bağlı həyata keçirdiyi tədbirlər, etdiyi güzəştlər də məndə işimə inam yaradırdı və zənnimdə yanılmadığımı göstərdi”.
Həmin il o, 2,5 hektar sahədən yüksək məhsul götürüb. Rayonda dəyirman olmadığından yığdığı məhsulu Astarada döydürüb. Emal olunan düyü yaxşı qazanc gətirib. Bir vaxtlar ona rişxənd edən adamlar da bunu görəndə çəltik əkməyə qərar veriblər.
Z.Xammədov indi çəltik sahəsinə bir kiloqram da gübrə vermir. Elə buna görə əkdiyi "Haşimi” və "Apollo” növlərindən olan düyünün alıcıları başının üstündədir. Hər kiloqramını 3 manata alırlar. Əkdiyi 2,5 hektar sahədən indiki biçində 85 sentner məhsul gözləyir.
Yeri gəlmişkən qeyd edək ki, fermerin hər iki oğlu - Zahir və Şakir də torpaq icarəyə götürüb çəltik becərirlər.
Masallıda çəltik istehsalı sahəsində uğurlu nəticələrə nail olan sahibkarlardan biri də Elxan Qənbərovdur. O, əslən Bərdə rayonundandır. Özünün zarafatla dediyi kimi, bir talış qızı onu kəməndə saldığı üçün burada qalmağa məcbur olub. Artıq bir neçə ildir çəltik istehsalı və emalı ilə məşğuldur. 2017-ci ildə əkdiyi 27 hektar sahədən 135 ton məhsul əldə edib. Torpağın hamısını icarəyə götürüb. Çəltikçiliyin gəlirli sahə olduğunu görən E.Qənbərov yüngül konstruksiyalı zavod tikməyi qərara alıb. Bundan ötrü dövlətdən 150 min manat kredit götürüb. Tikinti işləri aparıb. Çindən avadanlıqlar alıb gətirib. Çinli mütəxəssislər Masallıya gəlib həmin avadanlıqları quraşdırıblar. Zavodun açılışında Prezident İlham Əliyev iştirak edib. Gündəlik emal gücü 20 ton olan zavod Göyçay, Salyan, Ucar, Ağdaş, Ağsu rayonlarından gətirilən çəltiyi də emal edir. Müəssisədə 10 nəfər çalışır.
Sahibkar E.Qənbərov bu il Qızılağac kəndi ərazisində 31 hektarda "Haşimi”, "Apollo” və "Okean” növündən olan çəltik əkmişdir. Biçin işləri başa çatmaq üzrədir. Sahələrdə bol məhsul var.
Rayon üzrə bütövlükdə çəltik istehsalı ildən-ilə artır. Keçən il 217 hektarda çəltik əkini aparılmışdırsa, cari ildə həmin rəqəm 253,9 hektara çatmışdır. Mütəxəssislərin qənaətinə görə, bu il sahələrdən daha çox çəltik məhsulu gözlənilir.
Seyran CAVADOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!