06 Iyun 2020 00:16
888
İQTİSADİYYAT
A- A+

Tovuzlu kümçülər yüksək göstəricilər əldə edəcəklərinə əmindirlər


Hər ili uğurlu göstəricilərlə yola salan Tovuz kümçüləri bu il də ənənəni davam etdirməyi qarşılarına məqsəd qoymuşlar. Həmin məqsədlə cari il 350 qutu barama toxumu götürmüşlər. Bu isə 14 min kiloqram barama tədarükü deməkdir.

Tovuz Rayon Aqrar İnkişaf Mərkəzinin direktoru Emin Eyvazovla söhbətdən məlum oldu ki, rayonda bu il 311 nəfər barama tədarükü ilə məşğuldur: "Hazırda iqtisadi cəhətdən səmərəli olan baramaçılığın inkişafı istiqamətində bir sıra tədbirlər həyata keçirilir ki, bu da rayonda barama istehsalının artırılmasına geniş imkanlar açır. Artıq 4 ildir ki, rayonda baramaçılıq sürətlə inkişaf edir. Təkcə keçən il 325 qutu barama toxumu götürən 76 kümçü 11 min 556 kiloqram barama tədarük etmişdir”.

Koronavirus infeksiyasının geniş yayıldığı indiki şəraitdə tovuzlu gümçülərin əlləri işdən soyumamışdır. Onlar Nazirlər Kabineti yanında Operativ Qərargahın tətbiq etdiyi karantin qaydalarına əməl etməklə bu il də bol məhsul uğrunda çalışırlar. Baramaçılar əmindirlər ki, kənd təsərrüfatının bu vacib sahəsinin inkişafında dövlətin göstərdiyi diqqət və qayğı hesabına daha çox qazanc əldə edəcəklər.

Hazırda rayonda baramaçılıqda zəngin təcrübə toplayan onlarla kümçü var. Onlardan biri də Əlibəyli kəndindən Zakir Tağıyevdir. Keçən il 7 qutu baramaqurdu götürən gümçü 280 kiloqram məhsul təhvil vermişdir. Bu il isə Zakir 8 qutu baramaqurdu götürmüşdür ki, ondan da 320 kiloqram məhsul tədarük etməyi qarşıya məqsəd qoymuşdur.

Ümumiyyətlə, Tovuzda baramaçılığa maraq ildən-ilə artır. Məhz bunun nəticəsidir ki, Aşağı Quşçu kəndindən Ramin Verdiyev, Emin Sarıyev, Xatınlı kəndindən Elbrus İsmayılov, Tovuz şəhərindən Adil Həsənov, Xaqani Məmmədov və başqaları baramaçılıqda hər il yüksək göstəricilərə nail olurlar.

Sabir ƏLİYEV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video