19 Avqust 2018 12:08
4948
Oxucu məktubları
A- A+

Dost sevindi, düşmən yasa batdı

 

İndi hamı bilir ki, 1918-ci il mayın 28-də Şərqin ilk müstəqil dövləti olan Azərbaycan Xalq Cümhuriyyəti yaradılanda ən vacib sahələrdən olan ordu quruculuğuna da xüsusi diqqət yetirilirdi. Təəssüf ki, o dövlətin özü kimi yaratdığı ordunun da ömrü çox qısa oldu. SSRİ dövründə isə azərbaycanlı gəncləri hərbi xidmətə əsasən inşaat batalyonlarına göndərirdilər.

Ulu öndər Heydər Əliyev Azərbaycana rəhbərlik etdiyi birinci dövrdə bu məsələni də diqqətdən kənar qoymadı. 1971-ci ildə  Cəmşid Naxçıvanski adına Hərbi Məktəb (indi Hərbi Lisey) yaratdı. El arasında onu Heydər Əliyev məktəbi də adlandırırlar. Bundan başqa, azərbaycanlı gənclər ittifaqın hər yerində hərbi məktəblərə, institutlara qəbul olunmağa başladılar. SSRİ dağılandan sonra müasir Azərbaycan Ordusunun zabit korpusunun özəyini də məhz bu məzunlar təşkil etdilər. C.Naxçıvanski adına xüsusi təyinatlı təhsil ocağının Azərbaycan Ordusunun yaranmasında da müstəsna rolu var.

Əgər müstəqilliyimizin bərpasından sonrakı ilk illərdə indiki kimi peşəkar hərbi kadrlarımız, döyüş texnikamız olsaydı, düşmən bizim bir qarış torpağımızı da zəbt edə bilməzdi. 1993-cü ildə xalqın təkidli tələbi ilə hakimiyyətə gələn Azərbaycanın xilaskar oğlu Heydər Əliyevin böyük səyi sayəsində qısa müddət ərzində ordumuz düşməni cəbhə boyu geri oturdaraq atəşkəsə məcbur etdi. 

Ulu öndər Heydər Əliyevin 1998-ci ildə imzaladığı fərmanla 1918-ci ildə Əlahiddə Azərbaycan Korpusunun yaradıldığı gün - iyunun 26-sı ölkəmizdə Silahlı Qüvvələr Günü kimi hər il qeyd olunur. Bu il xalqımız Silahlı Qüvvələrin yaranmasının 100 illiyini təntənə ilə bayram etdi. Bu münasibətlə Bakıda keçirilən hərbi parada baxanlar bir daha əmin oldu ki, bu gün Azərbaycan Ordusu çox güclüdür, əsgərlərimiz vətənpərvərdir, mübarizdir, cəsarətlidir, yüksək hazırlıqlıdır, vətənə, xalqımıza, Ali Baş Komandana sədaqətlidir. Əsgərlərimiz bu keyfiyyətləri 2016-cı ilin aprel döyüşlərində, bu yaxınlarda isə Naxçıvan Muxtar Respublikasının Şərur rayonu istiqamətində keçirilən əməliyyatda təsdiq ediblər.

Prezident İlham Əliyev ulu öndərin siyasi kursunu digər sahələrdə olduğu kimi, ordu quruculuğunda da uğurla davam etdirir. Güclü iqtisadiyyata söykənən ordu formulu Prezident İlham Əliyevin fəaliyyətinin əsas istiqamətlərindən biridir. Prezident, Ali Baş Komandan iyunun 26-da keçirilən hərbi paraddakı nitqində bununla bağlı dedi ki, 2003-cü ildən bugünə qədər bizim hərbi xərclərimiz 15 dəfə artmışdır. Biz 20 hərbi zavod tikmişik. Ölkəmizdə 1200 adda hərbi təyinatlı məhsullar istehsal olunur. Düşmən bilməlidir ki, onun bir dənə də olsun hərbi və strateji obyekti yoxdur ki, Azərbaycan Ordusu onu məhv edə bilməsin.

Həqiqətən də qürur doğuran faktlardır. Dünya da artıq bilir ki, Azərbaycan Ordusu istər silah-sursat, istər müasir hərbi-texniki təchizat, istərsə də yüksəksəviyyəli hazırlıqlı hərbçi kadr baxımından inkişaf edərək dünyada tanınır, Cənubi Qafqazın isə ən güclü ordusudur. Orduda qulluq edən hər bir əsgərimiz vətən, torpaq fədaisidir. Düşmən belə igid oğullar qarşısında tab gətirə bilməz.

Bu parad dost ölkələrdə xoş əhvali-ruhiyyə yaratdı. Ölkəmizin inkişafını gözü götürməyənlərin kefinə soğan doğradı, düşmənlərimizin ürəklərindən qara qanlar axdı.

 

Vidadi ZƏRBİYEV,

Cəmşid Naxçıvanski adına Hərbi Liseyin məzunu

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video