01:23 14 Iyun 2021
ONLINE XƏBƏR LENTİ
00:49 13.06.2021

Erməni xəyanəti


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

«Şuşa səsləyir» adlı tədbir Azərbaycanın bu dilbər guşəsinin işğalının 20 illiyinə həsr edilmişdir
ANA SƏHİFƏ / CƏMİYYƏT
01:05 06.05.2012
 

Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyində Şuşanın Ermənistan silahlı qüvvələri tərəfindən işğalının 20 illiyinə həsr edilmiş "Şuşa səsləyir" adlı tədbir keçirilmişdir.

Tədbirdə Şuşa şəhidlərinin xatirəsi bir dəqiqəlik sükutla yad edilmişdir.

Muzeyin direktoru Röya Tağıyeva vurğulamışdır ki, tədbirin məqsədi ictimaiyyəti işğaldan əvvəl muzeyimizin Şuşa filialından fədakarlıqla xilas olunmuş eksponatlarla tanış etmək və bu gün Qarabağ xalça sənətinin inkişafı yönümündə görülən işlər haqqında məlumat verməkdir.          

Mədəniyyət və Turizm Nazirliyinin şöbə müdiri Fikrət Babayev Şuşanın işğalından dərin kədər hissi ilə söz açmışdır. Bildirmişdir ki, Azərbaycan torpaqları dəfələrlə işğal olunmuşdur. Amma Azərbaycan bu gün yaşayır və müxtəlif sahələrdə başqa ölkələrə nümunə göstərir. Vaxt gələcək, biz yenə Qarabağa, Şuşaya qayıdacağıq.

F.Babayev vurğulamışdır ki, Şuşa Qarabağda muzey eksponatları bütünlüklə xilas edilən yeganə şəhərdir.

Tədbirdə Şuşa filialının şöbə müdiri Hicran Əliyeva, Mədəniyyət və Turizm Nazirliyi muzey işi sektorunun böyük məsləhətçisi Əli İsmayılov Azərbaycan Xalçası və Xalq Tətbiqi Sənəti Dövlət Muzeyinin Şuşa filialındakı muzey eksponatlarının necə xilas edilməsindən söz açmışlar.

İştirakçılar Azərbaycan Xalçası və Xalq Tətbiqi Sənəti Dövlət Muzeyinin Şuşa filialından xilas edilmiş eksponatlardan ibarət "Şuşanın sənət inciləri" sərgisi ilə tanış olmuşlar. Sərgidə XIX əsrə aid "Dəryanur", XX əsrin əvvəlinə aid "Bağçada güllər", "Ləmpə", "Atlı-itli", "Buynuz", "Xanlıq", "Balıq", "Açma-yumma", "Bəhmənli", "Malıbəyli", "Qasımuşağı", "Şuşa", "Şabalıd buta" kimi xovlu xalçalar, xalça məmulatları, tikmələr, geyimlər, zərgərlik nümunələri təqdim edilir. Ümumilikdə sərgidə 100-ə yaxın eksponat nümayiş olunur.

Tədbirdə, həmçinin "Dəyişən zamanda dəyişməyən dəyərlər" - Şuşanın əjdahalı xalçası "Vərni"nin toxunma prosesini göstərən ustad dərsi və muzeyin "Nənəmin cəhrəsi, babamın dəhnəsi, qoruyun bizi" uşaq teatrının ifasında "Vərni" xalçasına həsr olunmuş musiqili tamaşa təqdim edilmişdir.

Bədii hissədə ədəbi kompozisiyalar - Azərbaycan Dövlət Mədəniyyət və İncəsənət Universiteti tələbələrinin ifasında Şuşaya həsr olunmuş kiçik tamaşa göstərilmiş, Bülbül adına orta ixtisas musiqi məktəbinin muğam üçlüyü Şuşaya həsr olunmuş xalq mahnıları ifa etmişlər.

Sonra İCOM Azərbaycan Milli Komitəsi tərəfindən hazırlanmış "Oda qalanmış mədəniyyət" fotoalbomları və CD-nin (Şuşa  şəhərində qalmış mədəniyyət sərvətlərindən nümunələr) nümayişi keçirilmişdir.

Qeyd olunmuşdur ki, hər ay muzeydə "Ayın xalçası" proqramı keçirilir. Proqrama əsasən bir xalça haqqında tamaşaçılara ətraflı məlumatlar verilir. May ayı üçün Qarabağın "Vərni" xalçası seçilmişdir. Tədbirdə, eləcə də sonrakı günlərdə təşkil ediləcək ekskursiyalarda ziyarətçilərə həmin xalça barədə ətraflı məlumat veriləcəkdir.

Tədbirdə vurğulanmışdır ki, muzeyin Şuşa filialı bu gün öz fəaliyyətini Azərbaycan Xalçası və Xalq Tətbiqi Sənəti Dövlət Muzeyində davam etdirir. Filial qaçqın və məcburi köçkün sənətkarları muzeyə cəlb edir, onların əl işlərindən ibarət sərgilər açır, Vaşinqtonda fəaliyyət göstərən Qarabağ Fondu ilə informasiya mübadiləsi aparır, Qarabağ xalçalarının təbliği, tədqiqi, inkişafı ilə bağlı işlər görür, Şuşa xalçaları haqqında elmi-tədqiqat məqalələri nəşr etdirir.

 

AzərTAc



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM