Zəfər yolu
(Lirik poema)
“Burada səhvə yol verilə bilməzdi.
Çünki bu, tarixi məsuliyyətdi...”
İlham ƏLİYEV,
Ali Baş Komandan
Şuşa yolu, Zəfər yolu,
Otuz illik səfər yolu!
Cənab Ali Baş Komandan,
sərkərdəsən sən o vaxtdan.
İstidə, boranda, qarda,
Yollardasan, o yollarda!
Yol içindən yol seçirsən,
Keçilməz yollar keçirsən, -
Fikrin-zehnin yollarını,
44 günün yollarını...
II
Şuşa yolu, Zəfər yolu,
Sevinc yolu, məhşər yolu.
Solum səhra, sağım səhra,
yarı Qarabağım səhra!
Dünyanın sonu budurmu,
mən gördüyüm yuxudurmu?!
Uçan körpü, yanan meşə,
ərşə çəkir, məni ərşə!
Kirəmidli bir binadan,
qalan nədir?
Uçuq eyvan!
Sökülmüş tənha bir divar.
apar-apardı, sök, apar!
Yerində bir şey qalmasın,
söyüş, ya giley qalmasın.
Erməninin əl işidi,
ata-baba vərdişidi.
Aftoqraf! - öz xətti, adı,
Şuşada bayquş uladı.
III
Cənab Ali Baş Konmandan,
piyada keçdin o yolu.
İlham pərisi Mehriban,
yanında, keçdin o yolu.
O bayquşlar ulaşanda,
səhrada keçdin o yolu.
Mərd əsgər, qalib Sərkərdə,
davada keçdin o yolu.
Gəldi qardaşın Ərdoğan,
qovğada keçdin o yolu.
Əvvəl də keçdin o yolu,
Sonra da keçdin o yolu!
Zəfərlə keçdin o yolu!
IV
Salam Şuşa, salam Vaqif!
Ulu Öndər, bir də salam!
Abidənin önündəyəm,
heykəl kimi dayanmışam.
Çiçək bilib sevinirik,
üstümüzə yağan qarı.
Ulu Öndər alqışlayır,
gətirdiyi qonaqları, -
Dağılardı dərdi-qəmi,
bu duman kimi, çən kimi.
Uşaq kimi sevinərdi
o, bir şair görən kimi.
İlham orda, aramızda
iyirmi bir yaşındaydı,
Şuşanın yaddaşındaydı.
Zərifə xanım - anası,
Ulu Öndərin əzizi.
O da orda qar altında
Dinləyirdi şeirimizi.
Tanıyırdı o da məni.
Elə bildim anam gəlib,
bacım gəlib,
alqışlayır orda məni.
İlahi, nə Ulu Öndər,
nə o günlər?
Hər anı bir tarix imiş.
Vaxt Zərifə xanımı da
“qayb eledi”, türklər demiş.
- Əlli doqquz yaşındayam! -
Bunu Ali Baş Komandan
özü dedi.
Ulu Öndər o zaman da
həmin yaşın içindəydi.
Bu tarixdi, həqiqətdi.
Təsadüf də,
eşitmişəm zərurətdi.
Demək bu da dərkedilməz
bir hikmətdi.
Demək bu əlli doqquz da,
o birinin əvəziydi.
Atasının nəfəsiydi.
Bir kitabın o iki səhifəsiydi.
Bir dağın da
İki qarlı zirvəsiydi.
Bu, qəhrəman bir millətə,
Azərbaycan, sənə şanlı töhfəsiydi.
Demək, gələn gəlməliydi.
o Haqqa yüksəlməliydi.
Qoşun çəkib açmalıydı.
Bizim Zəfər Yolumuzu.
Tarix təqdim etməliydi,
əsrimizə, - İlham adlı oğlumuzu.
V
Salam Şuşa, Cıdır düzü!
Yer üzünün cənnət üzü!
Yerin göylərə tutduğu
dağlarda Meydan güzgüsü!
Mən burdan çağırsam səni,
eşidər dünya səsimi.
Yellər burdan tez aparar,
Ulduza-Aya səsimi.
Sıx meşələr,
uçqun qayalar, dərələr.
Dağətəyi enən cığır,
yer üzünün sonunamı
gedib çıxır?
Salam İsa bulağımız!
Səndə olub, sən susanda,
Həmişə bir qulağımız.
“Xarıbülbül”, “Xarıbülbül”!
nə bu rəngdə çiçək gördüm,
nə bir yerdə bu adda Gül!
“Xarı bülbül” - mehmanxana!
Aç orda, aç pəncərəni.
Hər saatı bir ömürdü
dağlardan nəfəs alana,
təbiət çağırır səni!
Ən gözəl seyrangahımdı.
Ən gözəl tamaşam mənim!
Mədəniyyət paytaxtımdı
Şuşam mənim!
VI
Sən mənim könül aləmim,
muğanım-sazımsan, Şuşa!
Zirvədə qarlı qışımsan,
dərədə - yazımsan, Şuşa!
Yerlər geniş, göylər təmiz,
ətəyin güllü süfrəmiz.
Burda Gəncə, orda Təbriz,
Kürüm-Arazımsan, Şuşa!
Yağan leysandı, gürşaddı,
Pənah xanın ruhu şaddı.
Gedən getdi, qalan qaldı
sən alın yazımsan, Şuşa!
VII
Əsgər gördüm, gümrahıydı,
dünən, Şuşa yollarında.
“Zəfər yolu” dediyimiz
həmən Şuşa yollarında,
bu gün - Şuşa şəhərində.
Axşamın da, səhərin də
bu yerlərdə sahibi var.
yiyəsi var.
Düşmənin yüz hiyləsi var,
yüzbiri də xəyanətdi.
Bu torpağın hər qarışı
Şəhidlərdən əmanətdi.
Əmanətdir...
Əmanətdir...
Nəriman HƏSƏNZADƏ,
Xalq şairi
Bakı, 13.09.2021
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Dağların
19 Mart
Saz-söz bayramı
19 Mart
Baharın gəlişi, təbiətin oyanışı
19 Mart
İlaxır çərşənbə
19 Mart
Dövlətçilik sisteminə milli dəyərlər kontekstindən strateji baxış
19 Mart
İqtisadi inkişafımızın yeni dayaq nöqtəsi - Qarabağ və Şərqi Zəngəzur
19 Mart
Fransanın avantüraları Ermənistanı fəlakətlərə düçar edə bilər
19 Mart
Azərbaycan-Gürcüstan münasibətləri yeni inkişaf mərhələsindədir
19 Mart
Yaxın qonşu, sınanmış dost, etibarlı tərəfdaş
19 Mart
NATO İlham Əliyevin yaratdığı reallıqları qəbul edir
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!