29 Sentyabr 2017 12:09
820
Oxucu məktubları
A- A+

Yeni dərs ilini yeni məktəbdə

 

Kəndimiz cəbhə bölgəsində yerləşdiyindən daim diqqət mərkəzində saxlanılır. Son illər burada bir sıra infrastruktur layihələri həyata keçirilib, abadlıq-quruculuq işləri geniş vüsət alıb. Əhalinin sosial-məişət problemləri sistemli şəkildə ardıcıllıqla həll edilir. 

Bu il  yeni məktəb binası inşa olunub və istifadəyə verilib. 108 şagird yerlik ikimərtəbəli məktəbdə tədrisin yüksək səviyyədə təşkili üçün bütün zəruri şərait yaradılıb. Burada xarici dil və informatika kabinetləri təşkil olunub və müvafiq proqram təminatlı kompüter avadanlıqları ilə təchiz edilib. Bundan başqa, məktəb yeni fənn laboratoriyaları, akt zalı, kitabxana və inventarlarla zənginləşdirilib. Qış mövsümündə binanın qızdırılması üçün istilik sistemi, eləcə də idman dərslərinin keçirilməsi üçün qapalı və açıq idman meydançaları yaradılıb. Bir sözlə, övladlarımız yeni dərs ilinə yeni və müasir məktəb binasında başladılar. Əminik ki, məktəb şəraitinin yaxşılaşdırılması, övladlarımızın müasir məktəbdə oxumaları gələcəkdə onların aldığı təhsilin səviyyəsində də özünü göstərəcək. Deməli, onlar daha yüksək nəticələr əldə edəcək, bilikli-bacarıqlı, ölkəmizə, dövlətimizə faydalı olacaqlar.

 

Sənubər İBRAHİMOVA,                                          

Ağstafa rayonu, Köhnəqışlaq kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video