06:23 16 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Yaponiya hakim partiyasının baş katibi Olimpiadanın təxirə salınmasının mümkünlüyünü bildirib
 
ANA SƏHİFƏ / İDMAN
17:49 15.04.2021

 “Tokio-2020” Yay Olimpiya və Paralimpiya oyunlarının təxirə salınması variantı COVID-19 virusu ilə əlaqədar vəziyyətdən asılı olaraq mümkündür.

AZƏRTAC xəbər verir ki, bu fikri Yaponiyanın hakim Liberal Demokratik Partiyasının baş katibi Toşihiro Nikai Kyodo agentliyinə müsahibəsində səsləndirib.

“Keçirilməsi mümkün olmayacağı təqdirdə, onu təxirə salmaq lazım gələcək”, - deyə baş katib vurğulayıb.

Qeyd edək ki, Yaponiyada peyvəndləməyə məsul nazir Taro Kono da Olimpiya və Paralimpiya oyunlarının tamaşaçılarsız keçirilməsinin mümkünlüyünü bildirib.

Xatırladaq ki, Tokio Yay Olimpiya və Paralimpiya oyunları 2020-ci il iyulun 24-dən avqustun 9-dək keçirilməli idi. Lakin koronavirus pandemiyasına görə bu yarışlar bir il müddətinə təxirə salınıb.

Bu il martın 20-də təşkilatçılar Olimpiya Oyunlarının əcnəbi tamaşaçılarsız keçirilməsi barədə qərar qəbul ediblər. Yapon tamaşaçıların yarışlara buraxılması məsələsinə daha sonra baxılacağı bildirilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM