31 May 2021 17:03
808
Məktublar
A- A+

Vyetnam Sosialist Respublikasının Prezidenti Nquen Suan Fukdan  

Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident.

Azərbaycanın müstəqilliyinin 103-cü ildönümü bayramı - Respublika Günü münasibətilə Sizə və bütün Azərbaycan xalqına Vyetnam dövləti və xalqı adından səmimi təbriklərimi çatdırmaq istərdim.

Azərbaycanın yaxın dostu olan Vyetnam Sizin gözəl ölkənizin inkişafını daim diqqətlə izləyir və Zati-alinizin rəhbərliyi ilə Azərbaycan xalqının ölkənin inkişafında, insanların rifahının yüksəldilməsində, beynəlxalq inteqrasiyada, həmçinin Azərbaycanın regionda və dünyada rolunun və mövqeyinin möhkəmlənməsində, COVID-19 pandemiyasının yaratdığı çətinliklərin mərhələli şəkildə inamla aradan qaldırılmasında əldə etdiyi böyük nailiyyətlərə heyran olduğunu bildirir.

Mən Vyetnam ilə Azərbaycan arasında ənənəvi dostluğun və hər iki ölkənin regionda və beynəlxalq arenada mövqeyinin möhkəmlənməsinə töhfə verən çoxtərəfli əməkdaşlığın daha da inkişafına çox şadam.

Mən qəti əminəm ki, iki ölkənin rəhbərlərinin iradəsi və qətiyyəti, habelə iki xalqın həmrəyliyi sayəsində ölkələrimizin və xalqlarımızın tərəqqisi, bütün dünyada sülh və inkişaf naminə Vyetnam və Azərbaycan arasında ənənəvi əməkdaşlıq gündən-günə möhkəmlənəcək və genişlənəcək.

Azərbaycana firavanlıq, xalqınıza xoşbəxtlik arzulayıram.

Cənab Prezident, icazə verin, Sizə möhkəm cansağlığı, səadət və nəcib vəzifənizdə böyük uğurlar diləyim.

Hörmətlə,

 

Nquen Suan Fuk

Vyetnam Sosialist Respublikasının Prezidenti

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video