22:05 16 Aprel 2021
ONLINE XƏBƏR LENTİ
19:20 16.04.2021 Eldar Tofiq oğlu Quliyev
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Vətən müharibəsi şəhidlərinin ailə üzvləri ziyarət edilib
ANA SƏHİFƏ / CƏMİYYƏT
23:08 08.03.2021

 

Martın 8-də YAP Səbail rayon təşkilatının nümayəndələri Vətən müharibəsinin Səbail rayonundan olan şəhidlərinin ailə üzvlərini evlərində ziyarət ediblər.

AZƏRTAC xəbər verir ki, ziyarətçilər Azərbaycanın müstəqilliyi və ərazi bütövlüyü uğrunda şücaətlə döyüşən və qəhrəmancasına şəhid olan igidlərimizin fədakar analarına, bacılarına, həyat yoldaşlarına Beynəlxalq Qadınlar Günündə xüsusi təşəkkürlərini çatdıraraq onlarla birlikdə qəhrəman şəhidlərimizin əziz xatirəsini anıblar.

YAP Səbail rayon təşkilatının könüllü gəncləri və “Vərəm həkimləri” (3 saylı Vərəm əleyhinə dispanser) ərazi ilk partiya təşkilatının üzvləri Azərbaycan xalqına şanlı Qarabağ zəfərini bəxş edən qəhrəman şəhidlərimizin ailə üzvlərinə bir daha dərin hörmət və ehtiramlarını ifadə ediblər. Vurğulanıb ki, Azərbaycan xalqı Vətənin igid oğulları ilə fəxr edir və onların əbədiyaşar xatirəsini daima əziz tutur.

Şəhid ailələrinin üzvləri ölkəmizdə şəhid ailələrinə göstərilən hərtərəfli dövlət qayğısına görə ölkə başçısına və Birinci vitse-prezidentə təşəkkürlərini bildiriblər, Yeni Azərbaycan Partiyasının şəhid ailələrinə göstərdiyi diqqətdən razılıqlarını ifadə ediblər.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM