Vətən mənə oğul desə...
Kiçik yaşlarımda əsgər görəndə həmişə onlara qeyri-adi maraqla baxırdım. Özümü nə zamansa əsgər paltarında təsəvvür edəndə isə həyəcanlanır, qürur doğuran hisslər keçirirdim. Bayram günlərində Bakının mərkəzi küçələri ilə yürüş edən kursantları, əsgərləri görəndə onların sıralarında olmağı, onlarla addımlamağı, birlikdə gur səslə mahnı oxumağı çox arzulamışdım.
Bir də televiziya kanallarında cəbhə bölgəsindən hazırlanmış verilişlərdə baxışlarından cəsurluq, səslərindən qətiyyət və vətən sevgisi duyulan əsgərlərdən biri olmaq istəyirdim. Nəhayət, illər ötdü, əsgərlik yaşına çatdım və bir gün həqiqi hərbi xidmətə çağırış vərəqəsi alanda ani də olsa uşaqlıq duyğularımı yenidən yaşadım.
Artıq vətənimizin etibar etdiyi oğullardan biri də mənəm. Bakı şəhərindən uzaqlarda hərbi xidmətdəyəm. Əlbəttə, xidmət asan deyil, çətindir, ancaq çox şərəflidir. Çalışıram ki, komandirlərin əmr və tapşırıqlarını dəqiq yerinə yetirim, təlimlərdə fəal olum. Xidmətim başlayandan yaxşı dostlar qazanmışam. Deyirlər ki, əsgər dostluğu çox möhkəm olur. Hər bir Azərbaycan əsgəri kimi, mənim də ən böyük arzum torpaqlarımızı düşmən işğalından azad edənlərin sırasında olmaqdır. 20 Yanvar şəhidlərinin, Xocalı qurbanlarının, erməni işğalçılarına qarşı döyüşlərdə həlak olanların ruhlarını sevindirmək üçün döyüşməliyik.
Torpağa ana deyirik. Vətən də ana qədər toxunulmaz və müqəddəsdir. Mən də məktubumun sonunda qalib əsgərlərin yolunu gözləyən ana torpaqlarımıza bir şairin misraları ilə üz tutmaq istəyirəm:
Gözlə, anacığım, gələrəm bir gün,
Yaşlı gözlərini silərəm bir gün...
Əli MƏMMƏDOV,
"N" saylı hərbi hissə
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!