20 Noyabr 2016 12:11
785
Oxucu məktubları
A- A+

Vətən haradan başlanır

 

Oğlum Eltun İsgəndərov sərhəd zastavasında nümunəvi xidmətə görə bir neçə dəfə komandirlik tərəfindən fəxri fərmanlara layiq görülmüşdü. Özü də həmişə deyərdi ki, Vətən sərhəddən başlayır, onu göz bəbəyi kimi qorumalı, yeri gəlsə, uğrunda canımızdan keçməliyik. Belə də etdi. 2009-cu il iyun ayının 18-də bir qrup cinayətkar sərhəd pozucusunu zərərsizləşdirərkən şəhid oldu. Eltunun şücaəti yüksək qiymətləndirilərək ona Azərbaycanın Milli Qəhrəmanı adı verildi.

Bu yaxınlarda Eltunun doğum günü idi. Yaşasaydı, 26 yaşı olacaqdı. Həmişəki kimi, bu dəfə də Samuxda onun doğum günü təntənə ilə qeyd edildi. Rayon ictimaiyyətinin nümayəndələri Eltunun qəbrini ziyarət etdikdən sonra tədbir vaxtilə təhsil aldığı Əhmədbəyli kənd orta məktəbində davam etdirildi. Burada onun şücaətindən danışdılar.

Belə tədbirlər bir tərəfdən valideynlərə təsəlli verir, digər tərəfdən yeniyetmə və gənclərə vətənpərvərlik ruhu aşılayır. Axı vaxt gələcək, onlar da böyüyüb boya-başa çatacaqlar. Kim bilir, bəlkə onların da arasında sərhədçi olacaq, Vətənin keşiyində ayıq-sayıq dayanıb ənənəni davam etdirəcək. Lazım gəlsə, Mübariz İbrahimov kimi, Eltun kimi canlarından keçəcəklər. Biləcəklər ki, xalqımız onların hünərini heç vaxt unutmayacaq, onları yaddan çıxarmayacaq.  

Hörmətli redaksiya! Fürsətdən istifadə edib oğlumun ad gününü təşkil edənlərə və iştirakçılara qəzetiniz vasitəsilə ailəmizin minnətdarlığını çatdırmağı xahiş edirəm. 

 

Xaləddin İSGƏNDƏROV,

Samux rayon sakini

 

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video