18:03 17 Sentyabr 2021
ONLINE XƏBƏR LENTİ
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Uxan İnstitutu COVID-19 virusunun yaradılması ilə bağlı şübhələrə cavab verib
 
ANA SƏHİFƏ / DÜNYA
14:44 22.07.2021

Çinin Uxan şəhərindəki Virusologiya İnstitutu COVID-19 infeksiyasının laboratoriyadan sızması və guya pandemiyadan öncə əməkdaşlarının koronavirusa yoluxması barədə ehtimalları inkar edib.

AZƏRTAC xarici KİV-lərə istinadla xəbər verir ki, institutun məlumatına görə, virusun süni mənşəli olmasına və ya onun laboratoriyadan sızmasına dair heç bir sübut yoxdur.

“2019-cu il dekabrın 31-dək Uxan Virusologiya İnstitutu COVID-19 infeksiyasını tədqiq etməyib və onunla qarşılaşmayıb. Müəssisədə heç vaxt koronavirus sintez edilməyib və yaradılmayıb. Bu günə qədər heç bir əməkdaşımız və tələbəmiz koronavirusa yoluxmayıb”, - deyə institut nümayəndəsi bildirib.

İlin əvvəlində Ümumdünya Səhiyyə Təşkilatının mütəxəssislər qrupu koronavirusun yaranma səbəblərini aydınlaşdırmaq üçün Çinin Uxan şəhərinə səfər edib. Onlar COVID-19 infeksiyasının laboratoriyada yaradılması versiyasını mümkünsüz adlandırıb.

ABŞ Prezidenti Cozef Bayden administrasiyası isə öz növbəsində Amerika kəşfiyyatının koronavirusun süni mənşəyi ilə bağlı “son nəticəyə gəlmədiyi” barədə bəyanat yayıb. Vaşinqton, həmçinin Pekini koronavirus pandemiyasından əvvəl aşkarlanan və izah olunmayan xəstəliklər barədə tibbi qeydləri dərc etməyə çağırıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM